OSEAS 13:14 - Biblia Guarani Tumpa Iñee

¹⁴ ¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

OSEAS 13:14 ပူးပေါင်းရင်းမြစ်များ

JOB 33:24

Toiparareko jare tei Tumpa pe: “Eroasayepe tɨvɨa güi, echa aväe chupe oepɨ vae.”

JOB 41:22

Iyayu pɨ̈rata yae, opaete okɨɨye chugüi vae.

SALMOS 16:10

echa ngaraa chereeya omanogüe reta ñogüɨnoia pe; ngaraa remaeño che reñono tee vae cheretegüe oikomegua vaerä.

SALMOS 30:3

cheYa Tumpa, nde cherenoe omanogüe reta ñogüɨnoia güi; remee cheve tekove, agüɨye vaerä aja tɨvɨa pe.

SALMOS 49:15

Ërei ngatu Tumpa chereepɨta omanogüe reta ñogüɨnoia imbaepuere güi. Echa jae chererajata jupíe.

SALMOS 49:16

Agüɨye eyemoambeko kia oyemboikokatu yave, jare jo pe jeta mbaembae ikavigüe güɨnoi yave.

SALMOS 71:20

Nde reechauka cheve jeta mbɨatɨtɨ jare ikavimbae reve, remee yeta cheve tekove; chemopüa pɨau yeta ɨvɨkua guasu güi.

SALMOS 86:13

Echa ndeporoparareko tuicha yae ko chekotɨ, ¡reroasayepe cherekove omanogüe reta ñogüɨnoia pe aja vaerägüe!

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 20:16

¡Jókuae kuimbae, toiko tëta guasu reta yandeYa opa omboai jekuae avei pegua rami! ¡Toendu avei täse ndeimbove yave, jare kuaraɨ ara mbɨte yave, sapúkai ñeraro pegua,

JEREMÍAS 31:35

YandeYa, oyapo kuaraɨ omboesape vaerä ara pe vae, yasɨ jare yasɨtata reta omboesape vaerä pɨ̈tu rupi vae, ɨguasu oipɨu jare ɨaparúa jɨapu oyapo vae, jae ko jee yandeYa Imbaepuere yae ete vae; jei körai:

EZEQUIEL 37:9

Jayave yandeYa jei cheve: “Nde kuimbae, nemiari cheree re tekove pe, jare ere chupe: YandeYa Tumpa jei körai: ‘Tekove, eyu oipota rupi güi, eyu eike kuae omano vae reta re, oikove reta vaerä.’ ”

OSEAS 6:2

Mókoi ara jaɨkue rupi omee yeta tekove yandeve; mboapɨa ara pe yandemoingove yeta, jare yaikoveta jae jóvai.

OSEAS 7:10

Israel pegua reta ipɨapochɨ; jókuae jeko imiarita jese reta. Jeseve, mbaetɨ oyerova jare mbaetɨ chereeka reta.

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

Romanos 11:15

Echa Tumpa omombo vae rupi ɨvɨ pegua reta güɨnoi mbɨakatu Tumpa ndive. Vɨtei pa Tumpa omboresive reta ye yave, güeruta tekove omano vae reta pe.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

2 Corintios 5:4

Echa kuae yanderete pe yaiko ramboeve, yaiporara yae ko, echa yaipotaäecha yanenandi yapɨta, jaeño yayemonde ipɨau pe, yanderete mano pegua vae oyepoepɨ vaerä tekove pegua pe, omanombae reve.

Filipenses 3:21

jae oipoepɨta yanderete kuae ɨvɨ pe ñanoi vae jae jete iyemboetea yae vae rami vae pe. Oyapota kuae, mbaepuere güɨnoi opaete mbaembae re vae rupi.

1 Tesalonicenses 4:14

Echa yande yarovia Jesús omano ko jare oikove ye ko. Jökoraiño vi Tumpa omoingove yeta Jesús ndive oporogüɨrovia jese vae reta.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Apocalipsis 20:13

Jare ɨguasu omboeterenga opaete omanogüe reta ñogüɨnoi pɨpe vae. Jare mano jare omanogüe reta ñogüɨnoia omboeterenga opaete omanogüe reta ñogüɨnoi pɨpe vae. Jare metei ñavo oñejäauka reta jembiapo oï rupi.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.

1 SAMUEL 15:29

Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.