OSEAS 12:7 - Biblia Guarani Tumpa Iñee

⁷ YandeYa jei: “Omaemee vae güɨnoi ipo pe mbaejäaka oyemboyoavɨgüe, echa ipöra chupe oporombotavɨ vaerä.

OSEAS 12:7 ပူးပေါင်းရင်းမြစ်များ

GÉNESIS 49:18

¡CheYa, ndeporogüɨroasayepe aäro!

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 16:11

Oñejäa kavi oñemee mbae vae, jare mbaejäaka jupi vae, yandeYa güi ko ou; opaete mbae oñejäa oñemee pɨpe vae, jae etei ko oñono.

ISAÍAS 3:5

Jare teko mbaetɨta ikavi, metei ñavo oñemopüata jo iyɨpɨ pegua re. Taɨrusu vae reta oñemopüata ndechi reta re, jare paravete vae reta oñemopüata oikokatu vae reta re.

ISAÍAS 56:1

YandeYa jei körai: “Peyapo jupi vae, peyapo sɨmbi vae, echa köiño ma ou cheporoyora; amboyekuaa vaerä chembaepuere, cheporogüɨroasayepe.

EZEQUIEL 16:3

Ere chupe reta: ‘Körai jei yandeYa Tumpa Jerusalén regua: Jerusalén, ndeɨpɨ jare rea pɨpe vae jae ko ɨvɨ Canaán; nderu jae ko amorreo jare ndesɨ jae ko Het iñemuña pegua.

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

EZEQUIEL 28:5

Ndepoki yae remaemee vae rupi jeta remoïru ndembaeyekou; jare ndembaeyekou reta jeko pegua ndepɨayemboete.

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

AMÓS 2:7

Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

AMÓS 3:9

Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

MIQUEAS 2:1

¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

ZACARÍAS 14:21

Jare opaete yapepo Jerusalén jare Judá pegua oñeñono teeta yandeYa Imbaepuere yae ete vae peguarä: Yogüeru mbota omee vae reta oiporu vaerä, pɨpe omboyɨ vaerä mɨmba oñererökuaveegüe, jókuae ara mbaetɨta ma omaemee vae yandeYa Imbaepuere yae vae itupao pe.

ZACARÍAS 5:8

Jare araɨgua jei cheve: “Kuae kuña jae ko ikavimbae vae.” Jare omoaña mbaejäaka japɨpe pe, jare oyokenda mbaejäaka itapa plomo pegua pe.

ZACARÍAS 7:9

“Körai jei yandeYa Imbaepuere yae ete vae: ‘Peporojäa añete vae rupi, jare peporoparareko peyeaeä reve oyokotɨ.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Juan 2:16

Jare jei pɨkasu imeea reta pe: —Penoe kuae reta kuae güi. CheRu jo agüɨye peyapo maemee renda.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.