OSEAS 12:4 - Biblia Guarani Tumpa Iñee

⁴ Oñoïraro araɨgua ndive jare omoamɨri; oyaeo jare omoñera oiparareko vaerä. Tumpa oväe chupe Bet-el pe, jare imiari jae ndive joko pe.

OSEAS 12:4 ပူးပေါင်းရင်းမြစ်များ

GÉNESIS 25:26

Jaɨkue rupi oa tɨvɨ, oyepɨɨ reve tɨkeɨ Esaú ipɨta re; jare ombojee reta Jacob. Isaac sesenta año ma güɨnoi yave oa jembireko imembɨ.

GÉNESIS 32:24

Jökorai Jacob opɨta jaeño; jare metei kuimbae iköembipe oñoïraro jae ndive.

GÉNESIS 32:25

Ërei kuae kuimbae oikuaa mbaetɨta ma ipuere jese yave, okua iuɨpɨ re, jare Jacob iuɨpɨ opuru oñoïraro ramboeve jae ndive.

GÉNESIS 32:26

Jare jei: —Emaeño mo cheré, köeta ma. Ërei Jacob jei chupe: —Ngaraa amaeño nderé, mbaetɨ ndeporerekua cheré yave.

GÉNESIS 32:29

Jayave Jacob oparandu chupe, jei: —Añave nde emombeu cheve nderee. Jare jókuae kuimbae jei: —¿Maera pa reparandu cheve cheree re? Jare iporerekua jese joko pe.

GÉNESIS 35:15

Jare Jacob ombojee jókuae Tumpa imiari jae ndivea, Bet-el.

GÉNESIS 48:15

Jare körai jei ñee kavi José kotɨ: “Tumpa, jae jemimbota rupi oguata cheramɨi Abraham jare cheru Isaac vae. Jae cheangareko aiko güive añave regua.

SALMOS 66:6

Omboyao ɨguasu jare omotini, ñaneñemuñagüe reta oasa ipɨ re ɨ̈aka; jáeramo, ¡yayerovia jese!

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

1 Tesalonicenses 4:17

jaɨkue rupi yande yaikoveño ñaï vae reta yayererajaukata jae reta ndive amapɨtu re ñaövaiti vaerä yandeYa. Jare jökorai yaikoita yandeYa ndive jekuae avei pegua.

Hebreos 5:7

Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.