OSEAS 12:10 - Biblia Guarani Tumpa Iñee

¹⁰ Che amomiari ñeemombeúa reta, jeta aechauka chupe reta, jupi reta chemiari ambojaanga reve.

OSEAS 12:10 ပူးပေါင်းရင်းမြစ်များ

1 REYES 13:1

Jeroboam, oapɨta oï ikäti kavi vae incienso, ikäti kavi vae incienso oyeapɨ jese vae re yave, ou oväe Judá güi Bet-el pe metei Tumpa iñeemombeúa.

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

JEREMÍAS 19:1

YandeYa jei cheve: “Ekua egua metei ɨrɨru ñaeu pegua, oñaeu-apo vae güi, jare eraja nderupíe amogüe tenondegua reta tëta pegua jare amogüe sacerdote reta tenondegua.

JEREMÍAS 19:10

Kuae opa rere yave, eyoka jókuae ɨrɨru yogüɨraja nderupíe vae reta jóvai,

JEREMÍAS 25:4

Jare yepe tëi yandeYa ombou voi peve iñeemombeúa reta, ërei pe reta mbaetɨ peyapo jeigüe, mbaetɨ vi peipota kërai ave peyeapɨsaka jese.

JEREMÍAS 7:25

Peñemuñagüe reta Egipto güi ñogüɨnoe güive añave regua, che ambou avei peve opaete cherembiokuai ñeemombeúa reta.

EZEQUIEL 17:2

“Nde kuimbae, eyapo Israel iñemuña reta pe metei yembojaanga.

EZEQUIEL 20:49

Jare jae: “¡Atataɨ cheYa Tumpa, jeta vae reta jei, cheyeugüi aeño ko jae kuae yembojaanga reta vae!”

OSEAS 13:4

YandeYa jei: “Che jae ko peYa Tumpa ɨvɨ Egipto güi peë güive, agüɨye perovia ïru tumpa re, jaeño cheré, agüɨye perovia oime ko ïru oporoepɨ vae, chereño perovia.

OSEAS 3:1

YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

LEVÍTICO 23:42

O ñairaka pegua pe peiko chiu ara rupi, pe opaete Israel iñemuña reta,

AMÓS 7:14

Ërei Amós jei chupe: —Mbaetɨ ko che ñeemombeúa, ani ñeemombeúa iñemuña ave yepe. Che ko jae güeye re oyangareko vae, jare ɨva ñana rupigua oipoo vae.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

Hechos 2:17

‘Jare ara reta taɨkuegua pe, jei Tumpa: Ambouta cheEspíritu opaete vae reta pe. Peraɨ reta jare perayɨ reta omombeuta cheregua. Jare kunumi reta oechata Tumpa oechauka vae jare indechi vae opaɨuta.

2 Corintios 12:1

Mbaetɨta jaekavi ayembotuicha vaerä che aeño, ërei tamombeu peve kërai yandeYa oechauka jare oikuaauka cheve vae.

2 Corintios 12:7

Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.