OSEAS 11:9 - Biblia Guarani Tumpa Iñee

⁹ Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

OSEAS 11:9 ပူးပေါင်းရင်းမြစ်များ

2 SAMUEL 20:10

Amasa mbaetɨ oecha kɨsepuku Joab ipo pe güɨnoi vae; Joab oikutu jɨe pe, jare oyekuavo ichuri ɨvɨ pe, omano voi oa, mbaetɨ ye oyuka ete. Javoi Joab jare tɨvɨ Abisai oaɨkuemoña ye Seba, Bicri taɨ.

SALMOS 46:5

Tumpa oime oï pɨpe, ngaraa maratu; Tumpa omborɨta köe yave.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 85:4

CheRu Tumpa, orereroasayepe vae, ¡oremopüa pɨau ye! ¡Ndearasɨ poi mo orekotɨ!

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 48:9

Ërei ayeaɨu jeko pegua ayembopɨa guasu chearasɨ güi, che, imboetea yae vae jeko pegua mbaetɨ opa romokañɨtei.

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

JEREMÍAS 26:3

Güɨramoi oendu reta, jare oeya reta metei vae ñavo jeko kavimbae; jayave che aipoepɨta cheyemongeta, ayapota tëi ikavimbae chupe reta vae, jembiapo reta ikavimbae jeko pegua re vae.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

1 SAMUEL 26:8

Jayave Abisai jei David pe: —Añave Tumpa omee ndepo pe nderovaicho. Emaeño cheré imii ae pe taikutu ɨvɨ re, tayuka meteia peño.