OSEAS 11:5 - Biblia Guarani Tumpa Iñee

⁵ Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

OSEAS 11:5 ပူးပေါင်းရင်းမြစ်များ

2 REYES 15:19

jae oiko mburuvicha guasurä yave, ou Pul, mburuvicha guasu Asiria pegua oporepeña jókuae ɨvɨ re, jare Manahem omee treinta y tres mil kilo korepoti, omborɨ vaerä oñemomɨ̈rata mburuvicha guasurä,

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

OSEAS 10:6

Jókuae toro taɨrusu vae iä ave oyererajaukata Asiria pe, omee reta vaerä mburuvicha guasu pe. Jökorai Efraín pegua reta oñemomaraiukata, jare Israel oñemomaraita itumpa-raanga reta ndive.

OSEAS 5:13

Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

OSEAS 7:16

Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

OSEAS 9:6

Jae reta opa otekuarai kañɨtei jeko pegua; Egipto pe yogüɨreko retata, tëta guasu Menfis pe opata oñeotɨuka reta. Ñana yuu reve vae opɨ̈rota imbaembae jepɨ vae, jeyupagüe pe okuakuaata ñurati.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

AMÓS 4:6

“Che ko mbaetɨ amee peve tembíu opaete perëta guasu ñavo, jare mbaetɨ tembíu opaete perëta ñavo rupi; ¡ërei mbaetɨ peyerova chekotɨ!” Jei yandeYa.

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’