OSEAS 11:4 - Biblia Guarani Tumpa Iñee

⁴ Kuimbae reta jɨmasa pe rami aroya cheyé, mboroaɨu rupi; kia nunga vae oekɨ güeye reta iyatua güi yuvo rami ko che, jare añono chupe reta tembíu.

OSEAS 11:4 ပူးပေါင်းရင်းမြစ်များ

2 SAMUEL 7:14

Che aïta turä jare jae oïta cheraɨrä. Jare ombaeyavɨ yave, che ainupata, metei kuimbae taɨ oinupa rami,

SALMOS 105:40

Tembíu oiporu reta yave, Tumpa ombou chupe reta inambu, jare mbɨyape ara pegua pe omoangapɨɨ reta.

ÉXODO 16:32

Jare Moisés jei: —Körai yandeYa jei: “Pemonoo mókoi kilo rupi, jare peñovatu peñemuña reta peguarä, oecha reta vaerä mbɨyape che amee peu ñuu rupi vae, ɨvɨ Egipto güi che pogüɨnoe yave.”

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

OSEAS 2:8

Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

LEVÍTICO 26:13

Che ko peYa Tumpa, ɨvɨ Egipto güi perenoe vae, agüɨye vaerä peiko jembiokuai retarä, amondoo peñeapɨtía, jare che pogüɨroata peäka pemopüa reve kavi.

San Juan 12:32

Jare ïru vae reta chereupi yave, aruta opaete ɨvɨ pegua reta chekotɨ.

2 Corintios 5:14

Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

DEUTERONOMIO 32:12

YandeYa etei ko oyangareko jese reta; ¡mbaetɨ ko tumpa ambuae omborɨ reta!

DEUTERONOMIO 32:14

jare neche kɨra jou reta jare vecha ineche jou reta, jou reta vecha kuimbae taɨrusu vae ikɨra vae, jare vecha kuimbae jare kavara kuimbae ɨvɨ Basán pegua; jou reta trigo ikavigüe, jare vino, uva tɨgüegüe.