OSEAS 10:8 - Biblia Guarani Tumpa Iñee

⁸ Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

OSEAS 10:8 ပူးပေါင်းရင်းမြစ်များ

GÉNESIS 3:8

Oendu reta yandeYa Tumpa kó rupi oguata oiko kaaru yave, jare kuimbae oñemi jembireko ndive yandeYa Tumpa güi, ɨvɨra pɨte pe kó pe.

1 REYES 13:2

Jae iñeeäta reve jei Tumpa iñee, ikäti kavi vae incienso oyeapɨ jese vae kotɨ: “Mbota oyeapɨ jese vae, mbota oyeapɨ jese vae, körai jei yandeYa: ‘Mase, ko David jëtara güi oata metei michia raɨ, jeeta Josías, jae oapɨta nderé mbaemboetea pegua sacerdote reta ikäti kavi vae incienso oapɨ nderé vae reta; nderé oapɨta kuimbae ikägüegüe.’ ”

1 REYES 13:34

Kuae oyapo vae rupi Jeroboam jare iñemuña reta oa mbaeyoa pe, kuae jeko pegua oñemokañɨteiuka ɨvɨ iárambo güi.

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

2 REYES 23:15

Jaeramiño vi, mɨmba oyeyuka oyeapɨ jese vae Bet-el pe oï vae, mbaemboete renda ɨvɨtɨ rupigua Jeroboam, Nabat taɨ oyapo vae, kuae rupi Israel iñemuña reta pe oyapouka mbaeyoa; Josías opa oyoka, opaetei omongúi jare oapɨ Asera iä.

2 CRÓNICAS 31:1

Opa kuae mbaembae oyeapo yave, opaete Israel iñemuña reta ñogüɨnoi joko pe vae ñogüɨnoe tëta guasu reta Judá pegua rupi jare oyoka reta mbae iä reta ita pegua, jare oyasɨa Asera iä reta jare omboai reta o mbaemboete renda ɨvɨtɨ rupigua reta, jare mɨmba oyeyuka oyeapɨ jese vae reta opaetei omboai reta regua ɨvɨ Judá pe jare ɨvɨ Benjamín pe, jökorai vi ɨvɨ Efraín pe jare Manasés pe. Javoi opaete Israel iñemuña reta oyerova ye jëta guasu reta rupi, metei ñavo iɨvɨ ae ae rupi.

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 2:21

jare oike retata ɨ̈vavira oyeka vae rupi, ɨvɨkua rupi; yandeYa kɨɨyea vae güi, iyemboetea tuicha yae vae güi, yandeYa oiporarauka jókuae ara kuae ɨvɨ pe yave.

ISAÍAS 32:13

Chembae vae reta iɨvɨ pe oñemuñata ñurati jare ñana, opaete jókuae o reta yerovia katu oimea rupi ave, tëta guasu yerovia katu pegua pe.

ISAÍAS 34:13

Jogüe reta pe oñemuñata ñurati, jaenunga vi jo jëguambae vae rupi. Aguarayaɨmba reta oñemoëtata jokoropi jare yandu reta.

OSEAS 10:2

Israel ipɨayoyavi, añave oiporarata iyoa re. YandeYa opata oyoka chugüi mɨmba oapɨ reta omee jese vae, jare omboaita itumpa-raanga reta.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 10:9

YandeYa jei: “Israel iyoa güire Gabaa pe jekuaeño oyapo mbaeyoa. ¡Jökorai yogüɨreko! Jáeramo, outa ñeraro kuae jeko pɨ̈chɨi vae reta pe Gabaa pe.

OSEAS 2:6

Jáeramo ayopiata jape ñurati pe jare aroyereta kesemba jese, agüɨye vaerä oväe japerä.

OSEAS 4:13

Ɨvɨtɨ reta iyapɨte re jare ɨvɨra reta encina, álamo jare olmo jee vae iküaraɨa igüɨ rupi; jokoropi omee reta mɨmba oyeyukagüe jare oapɨ reta ikäti kavi vae incienso. Jáeramo tayɨ reta iyaguasa pota jare taɨtatɨ reta oyuvanga menda re.

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

OSEAS 8:5

¡Samaria pegua reta, pɨ̈chɨi yae ko cheve toro taɨrusu vae iä pemboete vae! Chearasɨ yae ikotɨ. ¿Kërai yave pa peyetɨota?

OSEAS 9:6

Jae reta opa otekuarai kañɨtei jeko pegua; Egipto pe yogüɨreko retata, tëta guasu Menfis pe opata oñeotɨuka reta. Ñana yuu reve vae opɨ̈rota imbaembae jepɨ vae, jeyupagüe pe okuakuaata ñurati.

AMÓS 1:5

Amopëta Damasco jöke reta oyeokenda tëi ñogüɨnoi pɨpe vae; amboaita tëta ɨvɨtɨ päu Avén pe yogüɨreko vae reta, jare Bet-edén pegua mburuvicha reta; jare tëtaguasu Siria pegua reta opata oyereraja tembipɨɨrä tëta Kir pe.” Jei yandeYa.

AMÓS 3:14

jókuae ara che aitɨta chearasɨ Israel pe ipɨapochɨ vae reta re yave, Bet-el pe mɨmba oyeyuka oyeapɨ jese vae re aitɨta chearasɨ, opata oñemopë mɨmba oyeyuka oyeapɨ jese vae regua guakarätiecha oï vae reta, opata oa ɨvɨ re.

AMÓS 7:9

Isaac iñemuña reta imbaemboetea ɨvɨtɨ regua reta opata oyemboai, jare Israel imbaemboetea reta opata oyemboai. ¡Ambouta ñeraro Jeroboam iñemuña reta kotɨ!

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

MIQUEAS 1:13

Peyokua pekäretou reta pekavayu reta re, tëta Laquis pegua reta, pe reta pemboɨpɨ peyoa Sión pe, echa Israel iñemuña reta rami pepɨarai.

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?

NAHUM 3:11

Nde vi reikota osavaɨpo yae vae rami; jare reyeokendaukata; nde vi reekata ñepɨ̈roka, reñepɨ̈ro vaerä nderovaicho reta güi.

San Lucas 23:30

Jayave omboɨpɨta jei ɨvɨtɨ guasu reta pe vae: “¡Pesururu oreré! ¡Oreasoi!”

DEUTERONOMIO 9:21

jare aipɨɨ toro taɨrusu iä peyapo peyoa vaerä jese vae, jare aapɨ tata pe, ayoso ikuiasɨ regua, javoi amombo jókuae ikuigüe, ɨ osɨrɨ ɨvɨtɨ kotɨ güi ou vae pe.

Apocalipsis 6:16

jare jei reta ɨvɨtɨ reta jare ɨ̈vavira reta pe: “¡Pea oreré, oreomi pea mburuvicha iguapɨa pe oguapɨ vae jóvai güi jare Vecha kuimbae taɨrusu vae iyarasɨ güi!”

Apocalipsis 9:6

Jare jókuae ara reta rupi ɨvɨ pegua reta oipota tëita omano. Ërei ngaraa ipuere. Ikɨ̈reɨ yae tëita omano, ërei mano otekuaraita chugüi reta.