OSEAS 10:12 - Biblia Guarani Tumpa Iñee

¹² Jae chupe reta: Peñotɨ jupi vae, jare pearɨvo mboroaɨu opambae. Peyapo katu ɨvɨ pemaetɨ pɨau vaerä, echa añave ko ara peeka vaerä yandeYa, jae ou regua pemboe jupi vae re.

OSEAS 10:12 ပူးပေါင်းရင်းမြစ်များ

SALMOS 105:4

Peeka yandeYa jare imbaepuere; peeka avei yandeYa.

SALMOS 72:6

¡Ama jare ɨsápɨi omoäkɨ ñana jare ɨvɨ rami toiko!

PROVERBIOS 11:18

Iyoa vae iparavɨkɨ jepɨ jaangaño ko, ërei jupi kavi rupi oyapo mbaravɨkɨ vae, oyekouta.

PROVERBIOS 18:21

Ñee güɨnoi mbaepuere, mano peguarä jare tekove peguarä, iñee omoë vae, jókuae jekoviata chupe.

ECLESIASTÉS 11:6

Remaetɨ ndeimbove yave jare kaaru yave, ërei mbaetɨ reikuaa kia nunga ko ikavita vae, tenonde oñeotɨ vae ra ani taɨkue oñeotɨ vae ra, ani ramo mókoi reve ra yagüɨye kavita.

ISAÍAS 30:23

Jayave yandeYa omongɨta peremitɨ reta re iara pe kavi, oime pemaetɨ yave, jare ɨvɨ omoñemuñata jeta mbaembae. Jókuae ara rupi perɨmba reta jembíu katuta.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 32:20

ërei pe reta peyekou aveita, oime aveita pemoäkɨ vaerä peremitɨ reta, jare pemburika jare peguaka reta jembíu katu aveita.

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 45:8

“Che ambouta ɨvate güi mbae jupi vae, ambouta ama rami, ani ɨsápɨi rami. Jare ɨvɨ omboresiveta, yereroasayepe oñemuñata, temitɨ ia oñemuña rami, jare mbae jupi vae, ipotɨta vi temitɨ rami.” Che ndeYa ko ayapo opaete kuaekuae.

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

ISAÍAS 54:14

Mbaejupi vae nemopɨ̈ratata, mbaetɨta ma kia oiporarauka ndeve vae, ngaraa ma rekɨɨye; echa kɨɨye ngaraa ma oya nderé.

ISAÍAS 55:6

“Eeka yandeYa ipuere oñeväe ramboeve, eenɨi köi oï ramboeve.

JEREMÍAS 50:4

YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

EZEQUIEL 34:26

Cheɨvɨtɨ iyɨ́vɨri yogüɨreko retata jare cheporerekuata jese reta; ambouta ama okɨ iara pe kavi.

OSEAS 12:6

Israel pegua reta, peyerova ye peTumpa kotɨ; peyapo peporoaɨu avei reve jare jupi rupi, jare peyeko avei Tumpa reño.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

OSEAS 8:7

Echa ikavimbae peyapo jeko pegua, peiporara yaeta ko; mbaetɨta pembaagüɨye, mbaetɨta peremitɨ reta ia; jare pemboɨru tëi yave, opata ketɨgua reta jou pegüi.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

AMÓS 5:4

YandeYa jei Israel iñemuña reta pe: “Peyu chekotɨ jare peikoveta.

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

AMÓS 5:8

Peeka yasɨtata yatɨ yatɨ Pléyades jare Orión jee vae iyapoa, jae ko oyapo ara jare pɨ̈tu; jae ko oenɨi ɨ ɨguasu güi, jare opɨyere ɨvɨ iárambo; jae omee mɨ̈rata ipɨ̈rata vae güi omaepɨ̈ro vae pe, jare ombou omaepɨ̈ro vae tëta ipɨ̈rata yae vae re. Jae ko jee yandeYa.

San Lucas 13:24

—Peñemomɨ̈rata peike vaerä öke ipɨmii vae rupi. Echa che jae peve, jeta vae oipota tëita oike, ërei ngaraa ipuere.

Hechos 2:18

Jare jókuae ara reta pe ambouta cheEspíritu kuimbae reta jare kuña reta oyeokuai cheve vae pe, jare omombeu retata cheregua.

2 Corintios 9:10

Tumpa ko omee temitɨ, omaetɨ vae pe; jare omee tembíu okaru vae pe. Jae ko omeeta peve jare omoñemuñata peve peremitɨ reta, jeta peporomborɨ vaerä.

Santiago 3:18

Mbɨakatu iyapoa reta oyapo mbɨakatu rupi kavi vae, oarɨvota jupi vae.