OSEAS 10:11 - Biblia Guarani Tumpa Iñee

¹¹ Efraín pegua reta guaka imaso vae rami yepi, ikɨ̈reɨ ngatu ombaembopiriri. Ërei añave che ayokua yuvo jese omoata vaerä käretou; jare Judá pegua reta omoatata arao, jare Jacob iñemuña reta omoatata ɨvɨ omongúi pɨpe vae.

OSEAS 10:11 ပူးပေါင်းရင်းမြစ်များ

ISAÍAS 28:24

Oparavɨkɨ vae, iko pe omaetɨta yave, mbaetɨta oaraiño oeya iɨvɨ, ani omongúiño ɨvɨkɨ̈ta ani omboatɨiño oeya ɨtɨ.

JEREMÍAS 28:14

Echa che ndeYa Imbaepuere yae ete vae Israel iTumpa, jae: Añono opaete tëtaguasu reta iyayu re yuvo jiero pegua, oyeokuai reta vaerä Nabucodonosor, mburuvicha guasu Babilonia pegua pe. Mɨmba ñana rupigua reta ave amee ipo pe.”

JEREMÍAS 46:20

Egipto guaka taɨrusu ipöra yae rami vae, ërei ɨvɨtuguasu kotɨ güi ou chupe oporomokañɨtei vae.

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

OSEAS 11:4

Kuimbae reta jɨmasa pe rami aroya cheyé, mboroaɨu rupi; kia nunga vae oekɨ güeye reta iyatua güi yuvo rami ko che, jare añono chupe reta tembíu.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 3:1

YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

OSEAS 4:16

Echa Israel pegua reta oyembopɨapochɨ metei guaka taɨrusu vae imasombae rami; ¿oyangarekota ra yandeYa jese metei vecha re rami jembíu katúa pe?

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

DEUTERONOMIO 25:4

Güeye ombopiriri trigo oï yave, agüɨye peiyuruokua.