OSEAS 10:10 - Biblia Guarani Tumpa Iñee

¹⁰ Aiporaraukata chupe reta che aipota yave. Yatɨta jese reta ïru tëtaguasu pegua reta, aiporarauka yave chupe reta jeko kavimbae yae re.

OSEAS 10:10 ပူးပေါင်းရင်းမြစ်များ

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

JOB 39:10

¿Ndepuereta ra reñono yuvo jese remboara vaerä, ani nderaɨkue ojo omongúi vaerä ɨvɨ?

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 21:4

‘YandeYa Israel iTumpa jei: Amboyerovaukata ndesundaro reta oñoraro ñogüɨnoi tëta guasu ikësea ikupe pe mburuvicha guasu Babilonia pegua ndive vae reta jare Caldeaɨgua reta peöva perenoi vae ndive vae reta, jare amboatɨuka retata kuae tëta guasu mbɨte pe.

EZEQUIEL 16:37

Jáeramo, amboatɨta opaete ndeaguasa reyerovia jae reta ndive vae, opaete jókuae reaɨu vae reta remotareɨ vae reta ndive; amboatɨta opaete ndeɨ́vɨri, jare jae reta jóvai romonandita oecha reta vaerä nderete.

EZEQUIEL 16:42

Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.

EZEQUIEL 23:46

Jáeramo, yandeYa Tumpa jei körai: “Che ambouta ikotɨ reta jeta vae, omongɨɨye yae vaerä jare opɨ̈ro reta vaerä chugüi imbaembae reta.

EZEQUIEL 23:9

Jáeramo amee iyaguasa Asiriaɨgua reta ipo pe, jókuae jae iporopota jese vae pe.

EZEQUIEL 5:13

Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

OSEAS 10:9

YandeYa jei: “Israel iyoa güire Gabaa pe jekuaeño oyapo mbaeyoa. ¡Jökorai yogüɨreko! Jáeramo, outa ñeraro kuae jeko pɨ̈chɨi vae reta pe Gabaa pe.

OSEAS 4:19

¡Ɨvɨtu güɨroveve vae rami opata okañɨtei reta, jare oñemomaraiukata itumpa-raanga pota rupi!

OSEAS 4:9

Opaete vae reta, sacerdote reta ramiño vi, aiporaraukata chupe reta jeko re.

OSEAS 8:1

Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

OSEAS 8:10

Yepe tëi omee mbota reta ïru tëtaguasu reta rupi, ërei opata amboatɨ reta, opa vaerä amoai moai, jare oiporara retata michi pegua, mburuvicha guasu jare imborɨa reta ikovara yae jeko pegua.

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.

DEUTERONOMIO 28:63

YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.