OSEAS 10:1 - Biblia Guarani Tumpa Iñee

¹ Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

OSEAS 10:1 ပူးပေါင်းရင်းမြစ်များ

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

OSEAS 12:8

Efraín jei: ‘¡Añete, ayemboikokatu yae, aväe mbaeyekou cheyeupeguarä; ngaraa kia ipuere chemboeko jupimbae rupi kuae mbaravɨkɨ ayapo vae re!’

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

OSEAS 2:10

Iyaguasa reta jovake amonandita ¡Ngaraa kia oepɨ chegüi!

OSEAS 2:8

Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

OSEAS 4:7

Jeta yae peñemuña, jökorai vi jeta peyoa, jáeramo che aipoepɨta peyemboetea ñemomarai pe.

OSEAS 8:11

Echa Efraín jeta omopüa mɨmba oyeyuka oyeapɨ jese vae, ërei mbaeyoa omoïru iyeupe vaeräño omopüa reta.

OSEAS 8:4

Pemboguapɨ peruvicha guasu retarä, ërei mbaetɨ che aiparavogüe; peñono peruvicha retarä, ërei che mbaetɨ aikuaa. Pekorepoti jare peoro peyapo petumpa-raangarä, pe reta aeño peñemokañɨtei.

LEVÍTICO 26:1

Agüɨye peyapo tumpa-raanga reta pemboete vaerä, agüɨye pemopüa peyeupe mbae iägüe pemboete vaerä, peɨvɨ pe ave agüɨye pemopöra peñopa ita peyetavatɨka jóvai vaerä, echa che ko peYa Tumpa.

NAHUM 2:2

Echa yandeYa omopüa pɨau yeta opaete Jacob iyemboetea, jae ko Israel, echa opa oyeekɨuka oyemombo, jare opa uva jäka güɨrokomegua oeya rami.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.