OSEAS 1:7 - Biblia Guarani Tumpa Iñee

⁷ Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

OSEAS 1:7 ပူးပေါင်းရင်းမြစ်များ

2 REYES 19:29

Jayave Isaías jei Ezequías pe: “Kuae ko jae mɨakañɨ oyeapota vae: Kuae año re jare ïru año re peuta trigo äre ia, ërei mboapɨa año re peñotɨta jare peipoota, peñotɨta uva jare peuta iagüe.

2 REYES 19:34

Echa che ayangarekota kuae tëta guasu re, aepɨ vaerä, che ayeaɨu jeko pegua, jare cherembiokuai David aɨu jeko pegua.’ ”

2 REYES 19:35

Jókuae pɨ̈tu voi yandeYa iaraɨgua oë, jare oyuka Asiriaɨgua reta jeyupa pe ciento ochenta y cinco mil kuimbae; köe yave opüa reta yave, oecha reta opaete tëogüe yepeaiño ma.

2 REYES 6:18

Jare Siriaɨgua reta ogüeyɨ Eliseo kotɨ yave, jae oyerure yandeYa pe, jei körai: “Romoñera jesambae opɨta vaerä kuae kuimbae reta.” Jare yandeYa opa oeya jesambae, Eliseo oyerure rami.

SALMOS 33:16

Mburuvicha guasu mbaetɨ ko oyereroasayepe jeta sundaro güɨnoi ramo, ani jëia yae vae mbaetɨ ko ojoyepe ipɨ̈rata yae jeko pegua;

SALMOS 44:7

echa nde oreövatu orerovaicho reta güi, jare remomaraiuka oremotareɨ vae reta.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 14:30

Jökorai jókuae ara yandeYa güɨroasayepe Israel iñemuña reta Egiptoɨgua reta güi; jare Israel iñemuña reta oecha Egiptoɨgua reta jëogüegüe ɨguasu jembeɨ rupi.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 25:6

Agüɨye pemboete tumpa ambuae reta; agüɨye peyeokuai chupe reta, agüɨye vi pemboete. Agüɨye pemboarasɨuka yandeYa, pemboete tumpa reta pe aeño peyapo peyeupe vae rupi, jayave jae ngaraa ombou peve mbae ikavimbae.’

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

OSEAS 1:8

Ombokambu poi güire imembɨ kuñatai Lo-ruhama, ipurúa ye jare oa imembɨ kunumi.

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

1 SAMUEL 17:47

Jare opaete kuae pe yatɨ ñogüɨnoi vae reta oikuaata, kërai cheYa mbaetɨ oporoepɨ kɨsepuku pe jare mii pe vae; echa jae imbae ko ñeraro, jare jae pemeeta orepo pe.