NÚMEROS 9:20 - Biblia Guarani Tumpa Iñee

²⁰ Jare amapɨtu opɨta tupao guakapi pegua iárambo mbovɨ araño yave, yandeYa iporookuai rupi oyembojeyupa reta, jare yandeYa iporookuai rupi omboɨpɨ reta oguata.

NÚMEROS 9:20 ပူးပေါင်းရင်းမြစ်များ

SALMOS 48:14

echa kuae Tumpa jae ko, oiko avei ñaneTumpa jekuae avei pegua vae. ¡Jae ko yandererajata kutɨ yé mano güi!

PROVERBIOS 3:5

Eyeko yandeYa re opaete ndepɨa ndive; agüɨ ye eyeko ndearakuaa katu reño.

PROVERBIOS 3:6

Enoi avei ndepɨa pe yandeYa, opaete mbae reyapo vae rupi, jare jae ndereroatata sɨmbi rupi.

NÚMEROS 10:13

Ñogüɨnoe yandeYa oporookuai Moisés rupi rami.

NÚMEROS 9:18

YandeYa iporookuai rupi Israel iñemuña reta omboɨpɨ oguata, jare yandeYa iporookuai rupi oyembojeyupa reta; jare joko pe opɨta reta amapɨtu oï ramboeve tupao guakapi pegua iárambo.

NÚMEROS 9:19

Amapɨtu opɨta yave ɨma ara tupao guakapi pegua iárambo, jayave Israel iñemuña reta oäro yandeYa iporookuai, jare mbaetɨ omboɨpɨ reta oguata.

NÚMEROS 9:21

Jare amapɨtu opɨta yave metei pɨ̈tuño, köe yave oyemboɨvate yave jae reta omboɨpɨ oguata; ani ara pe opɨta yave, pɨ̈tu yave oyemboɨvate, jökorai yave omboɨpɨ reta oguata.

DEUTERONOMIO 7:21

Agüɨye peyembopɨtu jae reta jóvai, echa yandeYa Tumpa oï pepɨte pe, jae ko Tumpa tuichagüe jare kɨɨyea.