NÚMEROS 6:27 - Biblia Guarani Tumpa Iñee

²⁷ Körai toenɨi reta cheree Israel iñemuña reta re, jare cheporerekuata jese reta.”

NÚMEROS 6:27 ပူးပေါင်းရင်းမြစ်များ

GÉNESIS 32:26

Jare jei: —Emaeño mo cheré, köeta ma. Ërei Jacob jei chupe: —Ngaraa amaeño nderé, mbaetɨ ndeporerekua cheré yave.

GÉNESIS 32:29

Jayave Jacob oparandu chupe, jei: —Añave nde emombeu cheve nderee. Jare jókuae kuimbae jei: —¿Maera pa reparandu cheve cheree re? Jare iporerekua jese joko pe.

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

1 CRÓNICAS 4:10

Jabes oyerure Israel iTumpa pe, jei reve: “Romoñera ndeporerekua vaerä cheré jare emee cheve tuicha ɨvɨ, chemborɨ jare chereroasayepe ikavimbae güi, agüɨye vaerä aiporara.” Jare Tumpa omee chupe oiporugüe.

2 CRÓNICAS 7:14

ërei chembae vae reta, jese reta cheree oyemboeteuka vae oñemomichi reve oyerure reta chereeka yave, jare oyepoepɨ reta jeko ikavimbae güi yave, che aenduta iyerure reta ara güi jare cheɨ̈rota chupe reta iyoa re, jare iɨvɨ pe oime yeta jeta mbaembae.

SALMOS 5:12

Echa nde cheYa, ndeporerekua jupi vae re; ndepɨakavi pe reñova metei yeopiaka pe rami.

SALMOS 67:7

¡CheRu Tumpa, ndeporerekua oreré! ¡Ndegüi toipoɨu opaete ɨvɨ pegua reta!

ÉXODO 6:3

Abraham, Isaac jare Jacob pe ayekuaauka, Tumpa Opaete mbaepuere güɨnoi vae ramiño; ërei mbaetɨ ayekuaauka chupe reta cheree peYa rupi.

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

JEREMÍAS 14:9

¿Maera pa reï metei kuimbae ipɨakañɨiño omae ngatu vae rami, metei ñeraro regua jëia vae mbaetɨ oporoepɨ rami? Ërei, nde cheYa reï ore ndive, opaete vae oikuaa ndembae vae reta ko ore; ¡agüɨye orereeya!

NÚMEROS 23:20

Ko, omee cheve jae vaerä ñee kavi; Tumpa jei ñee kavi yave, che mbaetɨ chepuere aipoepɨ.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

Efesios 1:3

Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,

DEUTERONOMIO 28:10

Jare opaete tëta reta oikuaata pe reta ko yandeYa peño peyerure vae, jare okɨɨye retata pegüi.