NÚMEROS 6:26 - Biblia Guarani Tumpa Iñee

²⁶ YandeYa tanderaɨu tomae nderé jare tomee mbɨakatu ndeve.’

NÚMEROS 6:26 ပူးပေါင်းရင်းမြစ်များ

SALMOS 29:11

YandeYa omeeta mbaepuere imbae vae reta pe; yandeYa omeeta mbɨakatu pegua mborerekua imbae vae reta pe.

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

SALMOS 4:6

Jeta vae jei: “¿Kia pa oechaukata yandeve ikavi vae?” ¡OreYa Tumpa, ndepɨakatu oreré!

SALMOS 42:5

¿Maera pa ayembopɨtuta? ¿Maera pa ayemoambekota? Cheporoäro anoi ko Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

SALMOS 89:15

CheYa Tumpa, oyerovia ko tëta ndemboete oyerovia katu reve vae; nderemimbota rupi oguata vae,

ISAÍAS 26:12

CheYa, nde ko remeeta oreve mbɨakatu, nde ko reyapo ore rupi opaete orerembiapo reta.

ISAÍAS 26:3

CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

ISAÍAS 57:19

jare jaeta opaete vae pe: ‘¡Mbɨakatu toime mombɨrɨ ñogüɨnoi vae pe jare mbɨakatu toime köiño ñogüɨnoi vae pe! Che aipoanota tëta chembae vae reta.’

MIQUEAS 5:5

Jae oikota yandemombutuu vaerä, Asiriaɨgua reta yogüeru yave yandeɨvɨ pe, jare opɨ̈ro reta yave yanderuvicha guasu jo, jayave yamboyovaichota ikotɨ reta, chiu omaangareko vae reta, jare juri kuimbae tuichagüe tëta ruvicha.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 20:26

Juri ara ma oasa yave, temimboe reta ñogüɨnoi ye jókuae o pe. Tomás joko pe oï vi. Yepe tëi öke reta oyeokenda ñogüɨnoi, ërei Jesús ou oyemboɨ ipɨte pe jare jei chupe reta: —Mbɨakatu toï pe ndive.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 2:28

Reikuaauka cheve tape tekove pegua, jare ayerovia yaeta nde reï che ndive vae rupi.’

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 15:33

Tumpa güɨnoi mbɨakatu vae toï opaete pe reta ndive. Amén.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Efesios 6:23

Cherɨvɨ reta, yandeRu Tumpa jare yandeYa Jesucristo ipɨakatu, iporoaɨu jare mborogüɨrovia toï pe ndive.

Filipenses 4:7

Jare Tumpa omeeta peve ipɨakatu yandepuereä etei yaikuaa vae; jókuae mbɨakatu oñovatuta pepɨa jare peyemongeta Cristo Jesús re.

2 Tesalonicenses 3:16

Jare yandeYa oporombopɨakatu vae temee avei peve mbɨakatu. YandeYa toï opaete pe ndive.