NÚMEROS 6:20 - Biblia Guarani Tumpa Iñee

²⁰ jare sacerdote togüɨrökuavee jókuae mbota oñererökuavee oñemee yandeYa jóvai vae, kuae reta sacerdote imbaerä ko, jare vi mɨmba ipɨtiagüe jare iugüe. Kuae jaɨkue rupi ramo oñeñono tee nasareorä vae ipuere jou vino.

NÚMEROS 6:20 ပူးပေါင်းရင်းမြစ်များ

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

LEVÍTICO 10:15

Mɨmba ikɨragüe mbota oñemee oyeapɨ vaerä vae ndive togüeru reta ipɨtiagüe jare iugüe oñererökuaveeta vae, jare tomee mbota oñererökuavee oñemee yandeYa pe vae; jupi ko opɨta avei vaerä ndembaerä jare nderaɨ reta imbaerä, yandeYa oporookuai rami.

LEVÍTICO 23:11

Jare sacerdote togüɨrökuavee tomee jókuae mbota cheróvai chembopɨakatu vaerä, ara mbutuu pegua güi pɨareve pe togüɨrökuavee tomee.

LEVÍTICO 7:30

Togüeru mbota yembopɨakatu pegua oyeapɨta cheróvai vae, ikɨragüe togüeru ipɨtiagüe ndive togüɨrökuavee tomee mɨmba oyeyukagüe oñererökuavee oñemee cheve vae.

LEVÍTICO 7:31

Jare sacerdote toapɨ ikɨragüe mɨmba oyeyuka oyeapɨ jese vae re, ërei ipɨtiagüe topɨta Aarón peguarä jare iñemuña reta peguarä.

LEVÍTICO 7:32

Jare tomee sacerdote pe mɨmba oyeyukagüe yembopɨakatu pegua güi iu iyakatu kotɨgua, mbota oñererökuavee oñemee cheve vae.

LEVÍTICO 7:34

Echa Tumpa oekɨ mɨmba oyeyukagüe reta yembopɨakatu pegua güi, Israel iñemuña reta omee vae güi ipɨtía oñererökuavee oñemee vae, jare iugüe mbota oñererökuavee oñemee cheve vae; kuae reta omee sacerdote Aarón peguarä jare iñemuña reta peguarä, mborookuai jekuae avei pegua toiko Israel iñemuña reta peguarä.”

LEVÍTICO 9:21

ërei ipɨtiagüe, iu iyakatu kotɨgua ndive, güɨrökuavee mbota oñererökuavee oñemee yandeYa pe vae, yandeYa oyókuai Moisés vae rami.

ZACARÍAS 10:7

Efraín iñemuña reta sundaro jëia yae vae ramita. Ipɨa oyeroviata vino jou vae rami. Taɨ reta oecha yave oyerovia yaeta vi. ¡Ipɨa oyeroviata yandeYa re!

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

ZACARÍAS 9:17

Echa ikavi jare ipöra yaeta iɨvɨ. Trigo jeta vae ombovɨakatuta taɨrusu vae reta, jare uva tɨɨgüe kuñatai reta.

NÚMEROS 18:18

Jare isoogüe ndembaerä ko; oñererökuavee oñemee vae ipɨtiagüe jare iugüe iyakatu kotɨgua, ndembaerä vi ko.

NÚMEROS 5:25

jaɨkue rupi sacerdote toipɨɨ kuña ipo güi mbota tägüɨro pegua, jare togüɨrökuavee tomee yandeYa jóvai jare mɨmba oyeyuka oyeapɨ jese vae pe.

NÚMEROS 6:21

Kuae ko jae mborookuai, yandeYa pe oñererökuavee nasareorä oiko vaerä vae, jare mbota yandeYa pe omee vae, oipapambae reve jae ipuere rupi omee vae. Jae oñererökuavee omee vaerä vae rupi tomee, mborookuai jei rami.”

San Mateo 26:29

Ërei che jae peve, añave güive ngaraa ye ma jau uva tɨgüegüe, cheRu iporookuaía pe uva tɨgüegüe ipɨau vae, pe reta ndive jau ye regua.

San Marcos 14:25

Añete che jae peve, ngaraa ma jau uva tɨɨgüe, Tumpa iporookuaía pe uva tɨɨgüe ipɨau vae jau regua.

San Juan 19:30

Jare Jesús jou ma yave vinagre, jei: —¡Opa ma ayapo! Jayave iñäkatindɨ jare omano.