NÚMEROS 6:15 - Biblia Guarani Tumpa Iñee

¹⁵ Jare vi metei kanata mbɨyape oyembovumbae, trigokúi ipɨuasɨ kavi vae, olivo iasaite pe oyemómbɨu vae, jare mbɨyape ipïreriasɨ vae, oyembovumbae olivo iasaite oñeñono jese vae, mbota temitɨ jäɨgüe jare vino oyepɨyere vae.

NÚMEROS 6:15 ပူးပေါင်းရင်းမြစ်များ

ÉXODO 29:2

jare eyapo mbɨyape oyembovumbae, jare mbɨyape oyembovumbae olivo iasaite pe oyemómbɨu vae, jare mbɨyape oyembovumbae ipïreriasɨ vae, asaite oñeñono jese vae; kuae reta eyapo trigokúi ipɨuasɨ kavi yae vae pegua,

ISAÍAS 62:9

ërei opaete pearɨvo jare pemboɨrugüe peuta jare pemboeteta che peYa Tumpa; peipoota uva reta jare peuta vino, peuta chero oñeñono tee vae joka pe.”

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:9

jökorai oyaeo sacerdote yandeYa jembiokuai reta, echa tupao pe mbaeti ma temiti jäigüe jare mbota vino oyepiyere vae, Tumpa pe mbota oñemee vaerä.

JOEL 2:14

Mbaetɨ yaikuaa oipoepɨta ra iyemongeta agüɨye vaerä oiporarauka peve, jare ombou mborerekua peve, oime vaerä temitɨ jäɨgüe jare mbota vino oyepɨyere vae, yandeYa Tumpa pe mbota oñemee vaerä.

LEVÍTICO 2:4

Kia nunga vae omee yave mbotarä horno pe oyemboyɨ vae, toyapo mbɨyape trigokúi ipɨuasɨ vae oyembovumbae olivo iasaite pe oyemómbɨu vae, jare mbɨyape ipïreriasɨ vae oyembovumbae olivo iasaite pe oñeapiramo vae.

LEVÍTICO 7:12

Oñemee yave mbota yasoropai pegua Tumpa pe, toñemee mɨmba oyeyukagüe ndive mbɨyape oyembovumbae olivo iasaite pe oyemómbɨu vae, jare mbɨyape ipïreriasɨ vae oyembovumbae olivo iasaite pe oñeapiramo vae, jare mbɨyape trigokúi ipɨuasɨ vae olivo iasaite pe oyemómbɨu vae.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

LEVÍTICO 9:4

Jaeramiño vi metei toro jare metei vecha kuimbae yembopɨakatu peguarä, peyuka yandeYa jóvai, jare trigokúi ipɨuasɨ kavi vae oyemómbɨu olivo iasaite pe vae; echa añave yandeYa oyeechaukata peve.’ ”

NÚMEROS 15:10

jare mókoi litro vino oyepɨyere vaerä, pemee yandeYa pe mbota oyeapɨ ipiche katu vae.

NÚMEROS 6:16

Jare sacerdote tomee yandeYa jóvai, Tumpa iñɨ̈ro vaerä mbaeyoa re jare mɨmba oyeyukagüe opaetei oyeapɨ vae;

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

1 Corintios 11:26

Jökorai mbɨyape jare vino peu ñavo, pemoërakua ko yandeYa imano, jae ou ye regua.