NÚMEROS 35:25 - Biblia Guarani Tumpa Iñee

²⁵ Opaete vae toepɨ jókuae oporoyuka vae omano vae jëtara güi, jare jókuae oporoyuka vae topɨta jókuae tëta guasu ojo oñepɨ̈roa pe. Topɨta toiko joko pe omano regua sacerdote tenondegua, jókuae oyeparavo olivo iasaite yeparavo pegua pe vae.

NÚMEROS 35:25 ပူးပေါင်းရင်းမြစ်များ

2 SAMUEL 14:14

Echa opaete vae ñamano ñotai ko, ɨvɨ pe ɨ oyepɨyere vae rami ko yande reta, mbaetɨ yandepuere yaupi ye ɨvɨ güi. Tumpa mbaetɨ vi oekɨiño tekove, jae oñono mbaembae kuae ɨvɨ güi otekuarai vae agüɨye mo vaerä oyembosɨrɨ ete chugüi.

ÉXODO 29:7

Javoi eipɨɨ olivo iasaite ñeñono tee pegua, epɨyere iñäka re, jökorai eñono tee.

LEVÍTICO 21:10

Jare sacerdote tenondegua vae, iñäka re opɨyere olivo iasaite yeparavo pegua, temimonde sacerdote pegua omonde vaerä vae, agüɨye toñeäkaöva, agüɨye vi tomondoro jemimonde ipɨatɨtɨ güi;

LEVÍTICO 4:3

Sacerdote tenondegua etei iyoa yave omboekouka vi ko tëta pegua reta, jökorai yave tomee cheve metei toro taɨrusu jete kavi vae, cheɨ̈ro vaerä mbaeyoa re.

LEVÍTICO 8:12

Jare opɨyere olivo iasaite yeparavo pegua Aarón iñäka re, jökorai oñeñono tee vaerä Tumpa isacerdoterä.

NÚMEROS 35:24

jayave opaete vae tojäa jókuae oporoyuka vae jare jókuae omano vae jëtara ete, mborookuai jei rami.

NÚMEROS 35:26

Ërei jókuae oporoyuka vae oë jókuae tëta guasu ñepɨ̈roka güi yave,

NÚMEROS 35:28

echa jókuae tëta guasu ñepɨ̈roka peño ko oikota tëi omano regua sacerdote tenondegua. Jayave ramo ipuereta oyerova ye iɨvɨ pe.

JOSUÉ 20:6

Jare topɨta jókuae tëta guasu pe oñejäauka regua opaete vae jóvai, jare omano regua jókuae año rupi oiko sacerdote tenondeguarä vae. Jayave jókuae oporoyuka vae ipuere oyerova ye jëta guasu kotɨ jare jo pe, jókuae tëta guasu güi jae otekuarai ojoa pe.”