NÚMEROS 35:19 - Biblia Guarani Tumpa Iñee

¹⁹ Jókuae omano vae jëtara ete toyuka jókuae oporoyuka vae oväe chupe yave.

NÚMEROS 35:19 ပူးပေါင်းရင်းမြစ်များ

GÉNESIS 4:14

Echa añave chemombo ma reï kuae ɨvɨ güi; mbaetɨta ma chepuere ayu nderóvai. Mombɨrɨ rupi aguata reteiñota, aiporara reve ɨvɨ ambuae rupi. Jökorai kia nunga vae cheväe yave cheyukata ko.

2 SAMUEL 14:11

Ërei jókuae kuña jekuaeñoi jei ye: —Romoñera cheruvicha guasu, nemaendúa vaerä yandeYa Tumpa re, agüɨye vaerä kia imano re oyepɨ vae oyuka chemembɨ chegüi. Jare mburuvicha guasu jei: —¡YandeYa jee re, mbaetɨta nemembɨ iagüe ave oa ɨvɨ re!

2 SAMUEL 14:7

Jare añave opaete cherëtara reta oñemopüa chekotɨ jare jei reta cheve amee vaerä chupe reta jókuae oyuka tɨvɨ vae, oyepɨ reta vaerä jókuae omano vae regua, jökorai oyuka retata mbaembae iyarägüe vae, jaevaeño cheve vae, omokañɨtei retata cheme iñemuña.

2 SAMUEL 3:27

Jare Abner ou oväe Hebrón pe yave, Joab güɨraja tëta jöke güi ïkotɨa imiari vɨari vaerä jae ndive; jare joko pe oikutu jɨe pe oyuka, oyepɨ vaerä jese tɨvɨ Asael imano re.

2 SAMUEL 3:30

Jökorai Joab jare tɨvɨ Abisai oyuka reta Abner, echa Abner oyuka jae reta tɨvɨ Gabaón pe oñeraro reta yave.

NÚMEROS 35:12

Jare toï peve jókuae tëta guasu reta peñepɨ̈ro vaerä omano vae jëtara oyepɨta vae güi, jökorai agüɨye tomano jókuae oporoyuka vae ndei oñejäauka mbove opaete vae jóvai.

NÚMEROS 35:18

Ɨvɨra oporoyuka rape vae oiporu jese yave, jare omano yave, oporoyuka vae ko; oporoyuka vae tomano.

NÚMEROS 35:20

Ërei omotareɨ rupi omoaña yave, ani ipɨa pe oyemongeta reve oitɨ mbae jese yave, jare omano yave,

NÚMEROS 35:21

ani oyovaicho oyoe jeko pegua okua jese yave, jare omano yave, jókuae oporoyuka vae tomano; echa oporoyuka vae ko; jókuae omano vae jëtara ete toyuka jókuae oporoyuka vae oväe chupe yave.

NÚMEROS 35:24

jayave opaete vae tojäa jókuae oporoyuka vae jare jókuae omano vae jëtara ete, mborookuai jei rami.

NÚMEROS 35:27

jare jókuae omano vae jëtaragüe oväe yave ikatu pe jókuae oporoyuka vae, jare oyuka yave agüɨye toyemboeko;

DEUTERONOMIO 19:12

jayave jëta pegua mburuvicha reta tomondo togüɨnoe joko güi, jare tomee omano vae jëtara ipo pe, omano vaerä.

DEUTERONOMIO 19:6

Echa mombɨrɨ yae jókuae tëta yave, oëta jókuae omano vae jëtara iyarasɨ yae reve oaɨkuemoña jókuae oporoyuka vae, jare oupitɨ yave oyukata jókuae oporoyuka vae mbaetɨ tëi teko güɨnoi vae, echa ipɨarupiä jare omotareɨ güiä ko oyuka iñeïru.

JOSUÉ 20:3

Kia nunga vae oyuka yave japicha oyemongetambae reve, ipuere otekuarai jokotɨ oñepɨ̈ro vaerä jókuae omano vae jëtara ipo güi.

JOSUÉ 20:5

Ërei omano vae jëtaragüe oaɨkuemoña yave, jókuae tenondegua reta agüɨye tomee chupe jókuae oporoyuka vae, echa oyemongetambae reve oyuka japicha, mbaetɨ oñomotareɨ jae ndive tenonde yave rupi.

JUECES 8:19

Jayave Gedeón jäse osapúkai: —¡Cherɨkeɨ reta ko! ¡Chesɨ imembɨraɨe reta ko peyuka! ¡YandeYa jee re tae peve, peyukaä yave mona, ngaraa tëi poyuka!