NÚMEROS 35:15 - Biblia Guarani Tumpa Iñee

¹⁵ Kuae ova tëta guasu toñogüɨnoi tëta guasu reta ñepɨ̈rokarä Israel iñemuña reta pe, ketɨgua reta yogüɨreko pepɨte pe vae ani jokoropi oasa vae reta peguarä. Jokotɨ ipuere vaerä otekuarai kia nunga vae oyuka yave japicha oyemongetambae reve.

NÚMEROS 35:15 ပူးပေါင်းရင်းမြစ်များ

2 SAMUEL 14:14

Echa opaete vae ñamano ñotai ko, ɨvɨ pe ɨ oyepɨyere vae rami ko yande reta, mbaetɨ yandepuere yaupi ye ɨvɨ güi. Tumpa mbaetɨ vi oekɨiño tekove, jae oñono mbaembae kuae ɨvɨ güi otekuarai vae agüɨye mo vaerä oyembosɨrɨ ete chugüi.

ÉXODO 12:49

Kuae mborookuai eteiño vi toï kuae ɨvɨ pegua reta pe jare ketɨgua reta pepɨte pe yogüɨreko vae pe.”

LEVÍTICO 24:22

Metei mborookuaiño toiko peveguarä jare ketɨgua reta peguarä. Echa che ko peYa Tumpa.”

LEVÍTICO 4:2

“Ere Israel iñemuña reta pe: Kia nunga vae oyavɨ oikuaambae reve rupi iyoa yave cheporookuai reta kotɨ, agüɨyeta tëi oyeapo vae güi oyapo yave metei:

NÚMEROS 15:16

Metei mborookuaiño jare metei tekoño toï peveguarä jare ketɨgua oiko pepɨte pe vae peguarä.”

NÚMEROS 35:11

peiparavo peyeupe tëta guasu reta, jókuae tëta guasu reta ñogüɨnoi vaerä ñepɨ̈rokarä, jokotɨ ipuere vaerä otekuarai kia nunga vae oyuka yave japicha oyemongetambae reve.

Romanos 3:29

Tumpa jae vi ko judiombae reta iTumpa; mbaetɨ ko judío reta peguaño.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.