NÚMEROS 33:53 - Biblia Guarani Tumpa Iñee

⁵³ Pepɨ̈ro jókuae ɨvɨ jare peiko pɨpe; echa che ko amee peve pembaerä.

NÚMEROS 33:53 ပူးပေါင်းရင်းမြစ်များ

GÉNESIS 15:7

Jei chupe: —Che ko ndeYa, rogüɨnoe tëta Ur güi Caldeaɨgua reta iɨvɨ güi vae, amee vaerä ndembaerä kuae ɨvɨ.

SALMOS 115:16

Ara reta yandeYa imbae ko, jare ɨvɨ omee kuimbae reta pe.

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

San Mateo 20:15

Agüɨye ndeakatúä kuae ïru vae pe chepɨakavi chupe jeko pegua. Echa jupi ko che aipota vae ayapo vaerä chembaembae ndive.’

DEUTERONOMIO 11:31

Echa pe jaema peasata Jordán peo vaerä pepɨ̈ro ɨvɨ yandeYa Tumpa omee peve vae, pepɨ̈ro jare peiko ma pɨpe yave,

DEUTERONOMIO 17:14

Peike ma yave yandeYa Tumpa omee ɨvɨ pevea pe, pepɨ̈ro jare peiko ma pɨpe yave, güɨramoi pere: ‘Ñañono vi metei mburuvicha guasu, yandeyeupe, opaete tëtaguasu yandeɨvɨrigua reta güɨnoi rami.’

DEUTERONOMIO 3:18

Jayave che poyókuai, körai: ‘YandeYa Tumpa omee peve kuae ɨvɨ pembaerä. Ërei peota perëtara Israel iñemuña reta ndive opaete oikatu oñeraro vae, tembiporu ñeraro pegua ndive.

DEUTERONOMIO 32:8

Imbaepuere yae ete vae omboyao yao yave ɨvɨ tëtaguasu reta pe, jare kuimbae reta ɨvɨ ipo ave opa omboyao yao yave, ojäa ɨvɨ jembeɨ ñavo, Israel iñemuña reta iñavo,

DEUTERONOMIO 7:17

Ërei pere yave pepɨa pe: ‘Kuae tëtaguasu reta jeta yae ete ko yandegüi; ¿këraita pa yandepuere opa yamboai?’

JOSUÉ 1:6

Eñemomïrata jare eñemoäta ngatu, echa nde remboyaota kuae reta imbaerä, jókuae ɨvɨ arökuavee cheree re peñemuñagüe reta pe amee vaerä vae.

JOSUÉ 21:43

Körai yandeYa omee Israel iñemuña reta opaete kuae ɨvɨ, jae oñererökuavee jee re ae omee vaerä iñemuñagüe reta pe vae, oike reta opɨ̈ro jare yogüɨreko jókuae ɨvɨ pe.

JOSUÉ 23:5

YandeYa Tumpa oekɨta omombo reta perenonde güi; jare pe reta peiketa penoi vaerä iɨvɨ reta, yandeYa Tumpa jei peve rami.