NÚMEROS 33:4 - Biblia Guarani Tumpa Iñee

⁴ jae reta oñotɨ ramboeve opaete taɨrɨpɨ reta yandeYa güeru mano jese vae reta, jókuae rupi yandeYa oitɨ iyarasɨ itumpa-raanga reta re.

NÚMEROS 33:4 ပူးပေါင်းရင်းမြစ်များ

SALMOS 105:36

¡Oyuka Egipto pe opaete membɨrɨpɨ, kuimbae taɨrɨpɨ reta!

ÉXODO 12:12

Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

NÚMEROS 3:13

echa chembae ko opaete membɨrɨpɨ kuimbae reta. Ɨvɨ Egipto pe opa ayukauka membɨrɨpɨ kuimbae reta güive añono tee cheyeupe opaete membɨrɨpɨ kuimbae reta Israel iñemuña reta pegua, jaeramiño vi mɨmba imembɨrɨpɨ kuimbae reta, chembae ko. Che ko peYa.”