NÚMEROS 33:38 - Biblia Guarani Tumpa Iñee

³⁸ Jare sacerdote Aarón oyeupi ɨvɨtɨ Hor re, yandeYa jei chupe rami, jare joko pe omano, cuarenta año ma Israel iñemuña reta ñogüɨnoe ɨvɨ Egipto güi yave, tenondegua ara pe, yasɨ pandepoa pe.

NÚMEROS 33:38 ပူးပေါင်းရင်းမြစ်များ

NÚMEROS 33:39

Aarón güɨnoi ma ciento veintitré año yave omano ɨvɨtɨ Hor re.

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 10:6

(Jaɨkue rupi Israel iñemuña reta ñogüɨnoe Beerot-bene-jaacán güi Mosera kotɨ. Joko pe Aarón omano, joko pe oñeotɨ, jare jekovia pe opɨta sacerdoterä taɨ Eleazar.

DEUTERONOMIO 32:50

jare emano jókuae ɨvɨtɨ reyeupía re, nderɨkeɨ Aarón omano ɨvɨtɨ Hor re rami;