NÚMEROS 32:33 - Biblia Guarani Tumpa Iñee

³³ Jökorai Moisés omee Gad iñemuña reta pe, Rubén iñemuña reta pe jare Manasés iñemuña reta oyemboyaogüe vae pe Sehón amorreo reta juvicha guasu iɨvɨ, jare Og mburuvicha guasu Basán pegua iɨvɨ, opaete tëta reta jare ko reta iyɨvɨrigua ndive.

NÚMEROS 32:33 ပူးပေါင်းရင်းမြစ်များ

1 CRÓNICAS 12:31

Manasés iñemuña oyemboyaogüe reta güi dieciocho mil, kuae reta oyembojee yogüɨraja vaerä omboguapɨ David mburuvicha guasurä.

1 CRÓNICAS 26:32

Jëtara reta ndive kuimbae jëia yae vae reta, oyepapa dos mil seteciento tenondegua tëtara reta pe vae. Mburuvicha guasu David ombojee oyangareko vaerä Rubén jare Gad iñemuña reta re, jare Manasés iñemuña reta oyemboyaogüe re vae, jare opaete mbaravɨkɨ oyeapo Tumpa pe vae re jare mburuvicha guasu pe vae re.

1 CRÓNICAS 5:18

Rubén jare Gad iñemuña reta jare Manasés iñemuña reta oyemboyaogüe, jae ko kuimbae jëia yae vae reta, güɨnoi reta yeopiaka, kɨsepuku jare uvɨ jare ipoki yae oñeraro vaerä. Oupitɨ cuarenta y cuatro mil seteciento sesenta kuimbae ñeraro regua reta.

NÚMEROS 32:1

Rubén jare Gad iñemuña reta güɨnoi jeta yae mɨmba; oecha reta ɨvɨ Jazer jare Galaad, ikavi yae chupe reta mɨmba peguarä.

NÚMEROS 32:32

Toroasa orerembiporu ñeraro pegua reve reve yandeYa jenonde ɨvɨ Canaán kotɨ, jare topɨta orembaerä kuae ɨvɨ oï ɨ̈aka Jordán jovaicho pe vae.

NÚMEROS 34:14

echa mókoi ñemuña jare metei ñemuña oyemboyao vae oime ma güɨnoi reta iɨvɨ imbaerä, Jordán güi kuaraɨ oëa kotɨ, Jericó jóvai. Jae ko Rubén jare Gad iñemuña reta, jare Manasés iñemuña reta oyemboyaogüe.”

DEUTERONOMIO 29:8

jare opa ñapɨ̈ro iɨvɨ chugüi reta, jare ñamee Rubén jare Gad iñemuña reta imbaerä jare Manasés iñemuña reta oyemboyaogüe vae imbaerä.

JOSUÉ 12:1

Kuae ko jae mburuvicha guasu reta Israel iñemuña reta omoamɨri ɨ̈aka Jordán güi kuaraɨ oëa kotɨ vae, jare ɨvɨ opɨ̈rogüe reta, ɨ̈aka Arnón güive ɨvɨtɨ Hermón kotɨ, opaete ɨvɨpe kavi Arabá ndive, kuaraɨ oëa kotɨ:

JOSUÉ 12:6

Moisés jare Israel iñemuña reta omoamɨri kuae mburuvicha guasu reta, jare Moisés omee kuae ɨvɨ reta Rubén jare Gad iñemuña reta imbaerä, jare Manasés iñemuña oyemboyaogüe reta imbaerä.

JOSUÉ 14:3

Echa Rubén jare Gad iñemuña reta pe jare Manasés iñemuña reta oyemboyaogüe pe Moisés omboyao ma ɨ̈aka Jordán jovaicho kotɨ; ërei Leví iñemuña reta pe mbaetɨ omboyao ɨvɨ.

JOSUÉ 22:4

Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.

JOSUÉ 22:7

Manasés iñemuña reta oyemboyaogüe pe Moisés omee vi yepe ɨvɨ, Basán pe. Ïru Manasés iñemuña reta oyemboyaogüe pe Josué omee ɨvɨ jëtara reta ipɨte pe, ɨ̈aka Jordán güi kuaraɨ oikea kotɨ; jökorai Josué omondo ye kuae ñemuña reta iɨvɨ ae kotɨ, opa ñee kavi jei chupe reta güire.

1 SAMUEL 13:7

Jare amogüe hebreo reta oasa ɨ̈aka Jordán, ɨvɨ Gad jare Galaad kotɨ; ërei Saúl opɨtaño Gilgal pe, jare opaete vae reta yogüɨraja jaɨkue orɨrɨi reve okɨɨye güi.