NÚMEROS 29:39 - Biblia Guarani Tumpa Iñee

³⁹ Jae kuae mbota reta pemeeta yandeYa pe vae, peyapo arete ikavi yae vae Tumpa peguarä yave, pemee reve pe aeño peñererökuavee pemee vaerä vae, ani pepɨa-kɨ̈reɨ ngatu reve pemee vae; mɨmba oyeyukagüe opaetei oyeapɨ vae yepe, mbota temitɨ jäɨgüe, ani vino oyepɨyere vae, ani mbota yembopɨakatu pegua yepe.”

NÚMEROS 29:39 ပူးပေါင်းရင်းမြစ်များ

1 CRÓNICAS 23:31

jare oñemee yave mɨmba oyeyuka opaetei oyeapɨ vae yandeYa pe ara mbutuu pe, yasɨ pɨau pe jare arete ikavigüe pe, oime aveita oyeokuai reta yandeYa pe oyepapa jókuae peguarä vae rupi.

2 CRÓNICAS 31:14

Jare levita Coré, Imna taɨ, öke kuaraɨ oëa kotɨgua iyangarekoa, oyangareko mbota reta pɨa-kɨ̈reɨ ngatu reve oñemee Tumpa peguarä vae re, jare omboyao vaerä mbota reta oñeñono tee yandeYa pe vae jare mbaembae oñeñono tee kavi yae Tumpa peguarä vae.

2 CRÓNICAS 31:3

Mburuvicha guasu omee jɨmba reta güi mɨmba oyeyukagüe opaetei oyeapɨ vaerä, oñemee vaerä ndeimbove yave jare kaaru yave, jare mɨmba oyeyukagüe opaetei oyeapɨ vaerä ara mbutuu pegua pe, yasɨ pɨau pe jare arete reta mbaemboete pegua yandeYa pe oyeapo yave vae peguarä, yandeYa iporookuai pe oyekuatía oï rami.

ESDRAS 3:4

Oyapo reta vi arete mbaemboete pegua küaraɨa ñairaka pegua mborookuai pe oyekuatía oï rami, mɨmba oyeyukagüe opaetei oyeapɨ vae ara ñavo oñemeese rami, jókuae ara oyepapa oñemeeta rami.

ESDRAS 3:5

Jaeramiño omee reta avei mɨmba oyeyukagüe opaetei oyeapɨ vae, yasɨ pɨau reta pe, jare opaete arete mbaemboete pegua yandeYa pe vae, jare opaete mɨmba oyeyukagüe jare amogüe omee mbota ipɨa-kɨ̈reɨ ngatu reve yandeYa pe vae.

NEHEMÍAS 10:33

mbɨyape mbaemboete peguarä, mbota reta ara ñavo oñemee vae peguarä, mɨmba oyeyukagüe opaeteita oyeapɨ ara ñavo vae peguarä, ara mbutuu peguarä, yasɨ pɨau peguarä, jare ïru arete reta peguarä; jare opaete ïru mbota reta peguarä, mbota Israel pegua reta iyoa oyemboai vae peguarä, jare opaete mbaemboete Tumpa jo pe oyeapo vae peguarä.

ISAÍAS 1:14

Amotareɨ yae ko pegüi arete reta yasɨ pɨau jare pearete reta ikavi yae peyapo vae, mbaetɨ etei ko ipöra cheve; chekuérai ma aropɨa.

LEVÍTICO 23:2

“Ere Israel iñemuña reta pe: Peyapo arete reta ikavi yae vae cheve, pemoërakua yemboatɨ guasu mbaemboete pegua, jae kuae reta:

LEVÍTICO 23:28

Agüɨye mbae nunga mbaravɨkɨ peyapo jókuae ara; echa jókuae ara cheɨ̈ro vaerä mbaeyoa re vae ko, ñeñono kavi pegua che peYa Tumpa jóvai.

LEVÍTICO 23:38

Peipapambae reve ara mbutuu pegua pe pemee vae, mbota reta jare mbota reta peñererökuavee pemee vaerä vae ani mbota reta kɨ̈reɨ ngatu reve pemee cheve vae.

LEVÍTICO 7:11

Jae kuae mborookuai reta, kërai oyeapo vaerä mɨmba oyeyukagüe yembopɨakatu peguarä oñemee cheve vae:

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

NÚMEROS 28:2

“Eyókuai Israel iñemuña reta, agüɨye tiñakañɨ reta tomee cheve mbota reta, mbɨyape jare mbota reta oyeapɨ vae, echa jókuae ko jae mbota ipiche katu cheve vae.

NÚMEROS 29:38

Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

NÚMEROS 29:40

Jare Moisés jei Israel iñemuña reta pe opaete yandeYa oyókuai vae rami.

NÚMEROS 6:21

Kuae ko jae mborookuai, yandeYa pe oñererökuavee nasareorä oiko vaerä vae, jare mbota yandeYa pe omee vae, oipapambae reve jae ipuere rupi omee vae. Jae oñererökuavee omee vaerä vae rupi tomee, mborookuai jei rami.”

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.