NÚMEROS 28:7 - Biblia Guarani Tumpa Iñee

⁷ Jare vino oyepɨyere vae metei litro vecha kuimbae taɨrusu vae ñavo ndive; toyepɨyere jókuae vino oyemboayasɨgüe o mbaemboetea pe yandeYa jóvai.

NÚMEROS 28:7 ပူးပေါင်းရင်းမြစ်များ

ÉXODO 29:40

Tenondegua vecha kuimbae taɨrusu vae, emee mókoi kilo trigokúi ipɨuasɨ kavi yae vae asaite olivo ia oyeapasogüe ndive oyemómbɨu vae, jare metei litro vino mbota oyepɨyere vae.

ÉXODO 29:42

Kuae mɨmba oyeyukagüe opaetei oyeapɨ vae tomee avei peñemuña reta tupao guakapi pegua jöke pe, che peYa jóvai, joko pe che pomomiarita.

ÉXODO 30:9

Agüɨye tomee reta jese ambuae ikäti kavi vae incienso, mɨmba oyeyukagüe opaetei oyeapɨ vae, mbota temitɨ iagüe reta, vino mbota oyepɨyere vae ave.

ISAÍAS 57:6

Israel, ɨvɨtɨ päu ipe kavía pegua ita iïchɨi vae reta oimea pe, ikavi ndeve rembaemboete vaerä, jae ko remboete, chupe reta remee vino mbota oyepɨyere vae, jare temitɨ jäɨgüe. Opaete kuae peyapogüe reta ¿chemboyeroviata yera?

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:9

jökorai oyaeo sacerdote yandeYa jembiokuai reta, echa tupao pe mbaeti ma temiti jäigüe jare mbota vino oyepiyere vae, Tumpa pe mbota oñemee vaerä.

JOEL 2:14

Mbaetɨ yaikuaa oipoepɨta ra iyemongeta agüɨye vaerä oiporarauka peve, jare ombou mborerekua peve, oime vaerä temitɨ jäɨgüe jare mbota vino oyepɨyere vae, yandeYa Tumpa pe mbota oñemee vaerä.

LEVÍTICO 1:9

Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 23:13

Peru vi irundɨ kilo y medio trigokúi ipɨuasɨ vae olivo iasaite pe oyemómbɨu vae, mbota oyeapɨ vaerä, mbae ipiche katu yae vae ko cheveguarä, jare metei litro vino mbota oyepɨyere vae.

NÚMEROS 15:10

jare mókoi litro vino oyepɨyere vaerä, pemee yandeYa pe mbota oyeapɨ ipiche katu vae.

NÚMEROS 15:5

Jare jókuae mɨmba oyeyukata oñemee vae ndive tomee metei litro vino oyepɨyere vaerä, vecha kuimbae taɨrusu vae ñavo ndive.

NÚMEROS 15:7

jare vino oyepɨyere vaerä vae metei litro oasa mi, tomee yandeYa pe mbota ipiche katu vae.

NÚMEROS 28:14

Jare vino oyepɨyere vae mókoi litro toro taɨrusu vae ñavo ndive, jare metei litro y medio vecha kuimbae ñavo ndive, jare metei litro vecha kuimbae taɨrusu vae ñavo ndive. Kuae ko jae mɨmba oyeyukagüe opaetei oyeapɨ yasɨ ñavo vae oñemee vaerä, año oupitɨ regua.

NÚMEROS 28:31

Kuae reta pemee vi oñemee reve mɨmba oyeyukagüe opaetei oyeapɨ ara ñavo vae mbota reta ndive jare vino oyepɨyere vae. Pemee mɨmba reta jete kavi vae.

NÚMEROS 28:6

Körai ko oñemee mɨmba oyeyukagüe opaetei oyeapɨ vae ɨvɨtɨ Sinaí pe, mbota ipiche katu yandeYa peguarä vae.

NÚMEROS 28:8

Jare jókuae vecha kuimbae taɨrusu vae mokoía toñemee kaaru yave; jókuae ndeimbove yave oñemee rami etei toyeapo vi, jare vino oyepɨyere vae toyepɨyere vi jese. Mbota oyeapɨ ipiche katu yandeYa pe vae ko.

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.