NÚMEROS 28:28 - Biblia Guarani Tumpa Iñee

²⁸ Jare mbota oñemee jae ndive vae, trigokúi ipɨuasɨ kavi vae güi, olivo iasaite pe oyemómbɨu vae, ova kilo toro taɨrusu vae ñavo ndive, jare irundɨ kilo vecha kuimbae ñavo ndive,

NÚMEROS 28:28 ပူးပေါင်းရင်းမြစ်များ

2 CRÓNICAS 23:18

Javoi Joiada oñono oyangareko tupao guasu re vaerä vae reta, sacerdote reta jare levita reta iporookuai igüɨ pe, David oñono reta rami tupao guasu pe oyeokuai vaerä, omee vaerä yandeYa pe mɨmba oyeyukagüe opaetei oyeapɨ vae, Moisés omee mborookuai vae pe oyekuatía oï rami, jare otairari reta vaerä oyerovia reve David oyókuai reta rami.

2 CRÓNICAS 31:3

Mburuvicha guasu omee jɨmba reta güi mɨmba oyeyukagüe opaetei oyeapɨ vaerä, oñemee vaerä ndeimbove yave jare kaaru yave, jare mɨmba oyeyukagüe opaetei oyeapɨ vaerä ara mbutuu pegua pe, yasɨ pɨau pe jare arete reta mbaemboete pegua yandeYa pe oyeapo yave vae peguarä, yandeYa iporookuai pe oyekuatía oï rami.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

JEREMÍAS 48:35

YandeYa jei: “Che amboaita Moab pegua reta, mbaemboete renda reta ɨvɨtɨ rupigua re omee mɨmba oyeyukagüe vae reta, jare oapɨ ikäti kavi vae incienso vae reta.”

EZEQUIEL 45:17

ërei mburuvicha oïta omee vaerä mɨmba oyeyukagüe opaetei oyeapɨ vae jare mbota temitɨ jäɨgüe jare vino oyepɨyere vae arete ikavi yae vae pe, yasɨ pɨau pe, ara mbutuu pegua pe jare opaete arete ñavo pe, tëta Israel pegua reta peguarä.

LEVÍTICO 14:10

Jare juri araa pe, tomee mókoi vecha kuimbae taɨrusu vae jete kavi vae, jare metei vecha kuña metei año vae jete kavi vae, jare ova kilo trigokúi ipɨuasɨ vae mbotarä, oyemómbɨu olivo iasaite pe vae, jare olivo iasaite metei litro seri.

NÚMEROS 28:27

Pemee mɨmba oyeyukagüe opaetei oyeapɨ vae, yandeYa pe ipiche katu vae; mókoi toro taɨrusu vae, metei vecha kuimbae, chiu vecha kuimbae taɨrusu vae, metei año vae.

NÚMEROS 28:29

jare mókoi kilo vecha kuimbae taɨrusu vae ñavo ndive.