NÚMEROS 28:14 - Biblia Guarani Tumpa Iñee

¹⁴ Jare vino oyepɨyere vae mókoi litro toro taɨrusu vae ñavo ndive, jare metei litro y medio vecha kuimbae ñavo ndive, jare metei litro vecha kuimbae taɨrusu vae ñavo ndive. Kuae ko jae mɨmba oyeyukagüe opaetei oyeapɨ yasɨ ñavo vae oñemee vaerä, año oupitɨ regua.

NÚMEROS 28:14 ပူးပေါင်းရင်းမြစ်များ

ESDRAS 3:5

Jaeramiño omee reta avei mɨmba oyeyukagüe opaetei oyeapɨ vae, yasɨ pɨau reta pe, jare opaete arete mbaemboete pegua yandeYa pe vae, jare opaete mɨmba oyeyukagüe jare amogüe omee mbota ipɨa-kɨ̈reɨ ngatu reve yandeYa pe vae.

ISAÍAS 1:13

Agüɨye mo peru raangaiño mbota cheve; ikäti kavi vae incienso pɨ̈chɨi yae ko cheve; arete reta yasɨ pɨau jare ara mbutuu iara, peyomombarandu peyomboatɨ vae mbaetɨ chepuere aropɨa; pearete reta ikavi yae peyapo vae, ikaviä yae ko cheve.

JEREMÍAS 48:35

YandeYa jei: “Che amboaita Moab pegua reta, mbaemboete renda reta ɨvɨtɨ rupigua re omee mɨmba oyeyukagüe vae reta, jare oapɨ ikäti kavi vae incienso vae reta.”

EZEQUIEL 46:4

Mburuvicha omeeta mɨmba oyeyukagüe opaetei oyeapɨ vae yandeYa pe, ara mbutuu pegua pe vae reta jae ko: Ova vecha kuimbae taɨrusu jete kavi vae jare metei vecha kuimbae jete kavi vae.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

NÚMEROS 15:5

Jare jókuae mɨmba oyeyukata oñemee vae ndive tomee metei litro vino oyepɨyere vaerä, vecha kuimbae taɨrusu vae ñavo ndive.

NÚMEROS 15:9

jókuae toro ndive pemee ova kilo trigokúi ipɨuasɨ kavi vae, mókoi litro olivo iasaite pe oyemómbɨu vae,

NÚMEROS 28:13

Jare vecha kuimbae taɨrusu vae ñavo ndive toñemee mbotarä mókoi kilo trigokúi ipɨuasɨ kavi vae, olivo iasaite pe oyemómbɨu vae. Mɨmba oyeyukagüe opaetei oyeapɨ vae ipiche katu vae ko, yandeYa peguarä oyeapɨ vae ko.

NÚMEROS 28:15

Toñemee vi yandeYa pe metei kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, vino oyepɨyere vae ndive.

NÚMEROS 28:7

Jare vino oyepɨyere vae metei litro vecha kuimbae taɨrusu vae ñavo ndive; toyepɨyere jókuae vino oyemboayasɨgüe o mbaemboetea pe yandeYa jóvai.

NÚMEROS 29:18

Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.