NÚMEROS 28:11 - Biblia Guarani Tumpa Iñee

¹¹ Yasɨ oyemboɨpɨ ñavo pemee yandeYa pe mɨmba oyeyukagüe opaetei oyeapɨ vae, mókoi toro taɨrusu vae, metei vecha kuimbae, jare chiu vecha kuimbae taɨrusu vae, metei año, jete kavi vae.

NÚMEROS 28:11 ပူးပေါင်းရင်းမြစ်များ

2 REYES 4:23

Ime oparandu chupe: —¿Maera pa reota remae jese añave? Yasɨ pɨauä ko añave, jare mbutuu iaraä vi. Ërei jembireko jei chupe: —¡Agüɨye eyemoambeko!

1 CRÓNICAS 23:31

jare oñemee yave mɨmba oyeyuka opaetei oyeapɨ vae yandeYa pe ara mbutuu pe, yasɨ pɨau pe jare arete ikavigüe pe, oime aveita oyeokuai reta yandeYa pe oyepapa jókuae peguarä vae rupi.

2 CRÓNICAS 2:3

Jare Salomón omondo jei Hiram mburuvicha guasu Tiro pegua pe: “Eyapo vi che ndive cheru David ndive reyapo rami, nde rembou chupe ɨ̈vɨrare omopüa vaerä jorä.

2 CRÓNICAS 2:4

Mase, che amopüata tupao guasu cheYa Tumpa peguarä, añono teeta chupe, joko pe oyeapɨ vaerä chupe ikäti kavi vae incienso, jare mbɨyape reta mbaemboete pegua oñemee avei vaerä, jare mɨmba oyeyukagüe opaetei oyeapɨ vae peguarä ndeimbove yave jare kaaru yave, ara mbutuu reta pe, yasɨ pɨau pe, jare cheTumpa iarete guasu yave, kuaekuae oyeapo aveita Israel pe.

2 CRÓNICAS 8:13

oñemee vaerä jese mbota reta iara pe, Moisés mborookuai omee rami, jae ko: Ara mbutuu reta ñavo pe, yasɨ pɨau ñavo pe, jare arete reta mbaemboete pegua año pe mboapɨ oyeapo vae, jae ko: Arete mbɨyape oyembovumbae pegua, arete chiu ara oyeapo vae pegua jare arete küaraɨa ñairaka pegua.

ESDRAS 3:5

Jaeramiño omee reta avei mɨmba oyeyukagüe opaetei oyeapɨ vae, yasɨ pɨau reta pe, jare opaete arete mbaemboete pegua yandeYa pe vae, jare opaete mɨmba oyeyukagüe jare amogüe omee mbota ipɨa-kɨ̈reɨ ngatu reve yandeYa pe vae.

NEHEMÍAS 10:33

mbɨyape mbaemboete peguarä, mbota reta ara ñavo oñemee vae peguarä, mɨmba oyeyukagüe opaeteita oyeapɨ ara ñavo vae peguarä, ara mbutuu peguarä, yasɨ pɨau peguarä, jare ïru arete reta peguarä; jare opaete ïru mbota reta peguarä, mbota Israel pegua reta iyoa oyemboai vae peguarä, jare opaete mbaemboete Tumpa jo pe oyeapo vae peguarä.

SALMOS 40:6

Mɨmba oyeyukagüe jare mbota mbaetɨ ndembopɨakatu; mɨmba oyeyukagüe opaetei oyeapɨ vae jare ñɨ̈ro pegua mbaetɨ reeka oreve, ërei reipea cheapɨsa.

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

SALMOS 81:3

Pemoñee mimbɨguasu yasɨ pɨau pe, jare yasɨ jova guasu yave; jae ko yandearete mbaemboete pegua iara,

SALMOS 81:4

echa jae ko mborookuai Jacob iTumpa omee, Israel iñemuña reta peguarä vae.

ISAÍAS 66:23

Yasɨ pɨau iarete ñavo pe, jare ara mbutuu iara ñavo yogüeruta opaete vae chemboete. Che peYa ko jae kuae.

EZEQUIEL 46:1

Che peYa Tumpa jae körai: Tupao joka michi vae jöke kuaraɨ oëa kotɨ omae vae oyeokendata oï ova ara rupi mbaravɨkɨ iara pe, ërei ara mbutuu pegua pe oyepeata, oyepeata vi yasɨ pɨau iarete pe.

EZEQUIEL 46:6

Ërei yasɨ pɨau pe, metei toro taɨrusu jete kavi vae guaka reta ipɨte güi, ova vecha kuimbae taɨrusu vae jare metei vecha kuimbae; kuae reta jete kavi vae päve.

EZEQUIEL 46:7

Metei toro taɨrusu vae ñavo ndive jare vecha kuimbae ñavo ndive oñemeeta metei efa temitɨ jäɨgüe, ërei vecha kuimbae taɨrusu vae ñavo ndive oñemeeta ipueregüe rupi. Jare metei efa temitɨ jäɨgüe ndive oñemeeta metei hin olivo iasaite.

OSEAS 2:11

Amboapɨta iyerovia katu, iarete reta, yasɨ pɨau pegua arete reta, ara mbutuu pegua reta jare opaete apirai iara reta.

LEVÍTICO 1:13

Jare toyoe ɨ pe ichuri churigüe jare iugüe reta; jare sacerdote tomee opaete, toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:3

Güeru yave mɨmba oyeyuka opaetei oyeapɨ vaerä vae; togüeru toro jete kavi vae; ipɨa-kɨ̈reɨ ngatu reve tomee tupao guakapi pegua ikësea jöke pe cheróvai.

LEVÍTICO 1:9

Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

AMÓS 3:5

¿Güɨra oata pa ñuai pe, mbaetɨ reve ipïaroa oñono ñuai? ¿Ñuai ovɨita pa, mbaetɨ reve mbae oa pɨpe?

AMÓS 8:5

pere körai: “¿Kërai yave ra oasata arete yasɨ pɨau regua ñamee vaerä trigo? ¿Jare mbutuu iara, yaipea vaerä tembíu rɨru reta; ñamomichi äve vaerä mbaejäaka jare yaupi vaerä jepɨ?

NÚMEROS 10:10

Toñemoñee pearete iara pe, yasɨ oyemboɨpɨ ñavo pe, mɨmba oyeyukagüe opaetei oyeapɨ yave, jare mɨmba oyeyukagüe yembopɨakatu pegua oñemee yave, jare chemaenduata peré. Che ko peYa Tumpa.”

NÚMEROS 28:19

Jare pemee mɨmba oyeyukagüe opaetei oyeapɨ vae yandeYa pe, mókoi toro taɨrusu vae, metei vecha kuimbae, jare chiu vecha kuimbae taɨrusu vae metei año vae, jete kavi vae.

Gálatas 4:10

Echa pemboarete peiko ara reta, yasɨ reta, arete reta jare año reta.

Colosenses 2:16

Jáeramo, agüɨye kia tapemboeko mbae peu vae re, jare arete reta re, yasɨ pɨau iarete re, ani ara mbutuu reta re.

Colosenses 2:6

Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

1 SAMUEL 20:5

Jare David jei Jonatán pe: —Mase, pɨareve ko yasɨ pɨau iarete, jare aguapɨta tëi ko mburuvicha guasu ndive akaru vaerä. Ërei nde emaeño taja tañemi kaa pe koéramo kaaru regua.

1 SAMUEL 9:12

Jare jae reta jei: —Oime oï, peäkua pekua, echa añave jae ou kuae tëta guasu pe omee vaerä mɨmba oyeyukagüe tëta pegua reta re, kuae mbaemboete renda ɨvɨtɨ regua pe.