NÚMEROS 27:17 - Biblia Guarani Tumpa Iñee

¹⁷ toë jae reta jenonde jare toike jae reta jenonde, togüɨnoe jare togüɨroike reta, agüɨye vaerä ndembae vae reta yogüɨreko vecha iyangarekoambae rami.

NÚMEROS 27:17 ပူးပေါင်းရင်းမြစ်များ

2 SAMUEL 5:2

Jare tenonde voi ma ko, Saúl oikose oreruvicha guasurä yave, nde ko rerajase Israel iñemuña reta ñeraroa pe jare reroyerova ye yepi. Jare yandeYa jei yoapɨ ndeve: ‘Nde reyangarekota tëta chembae vae Israel re, jare nde reikota Israel pe mburuvicharä.’ ”

1 REYES 22:17

Jayave Micaías jei: “Aecha opaete Israel iñemuña reta oñemoai ɨvɨtɨ rupi, vecha reta iyangarekoambae rami. Jare yandeYa jei: ‘Kuae reta mbaetɨ iya; metei vae ñavo toyerova ye ipɨakatu reve jo kotɨ.’ ”

1 REYES 3:7

Añave, cheYa Tumpa, che nderembiokuai nde cheñono mburuvicha guasurä cheru David jekovia pe; jare che chetaɨrusu ko, mbaetɨ aikuaa kërai aiko vaerä mburuvicha guasurä.

2 REYES 11:8

Pe reta peïta mburuvicha guasu iyɨ́vɨri rupi, metei ñavo togüɨnoi ipo pe tembiporu ñeraro pegua, jare oipotagüe oike pota yave pepɨte pe, tomano. Peyangareko mburuvicha guasu re, jae ojoa rupi ou ye regua.”

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

2 CRÓNICAS 18:16

Jayave Micaías jei: “Aecha Israel iñemuña reta opaetei oñemoai ɨvɨtɨ rupi, vecha reta iyangarekoambae rami. Jare yandeYa jei: ‘Kuae reta mbaetɨ iya, metei ñavo toyerova jo kotɨ ipɨakatu reve.’ ”

EZEQUIEL 34:5

Chevecha reta yogüɨreko iyangarekoambae, mbaeporou ñana rupigua jembiurä yogüɨreko reta jare opa oñemoai moai.

ZACARÍAS 10:2

Echa tumpa-raanga reta iñee mbaetɨ ko añetete, jare maratuta vae imombeúa reta oecha apu, ipaɨu re imiari jare oporombopɨakatu jaanga; jáeramo tëta, vecha oikoiño vae rami, oiporara, echa mbaetɨ iyangarekoa.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Mateo 10:6

Ërei pekua Israel pegua reta ñogüɨnoia pe. Echa jae reta vecha okañɨ vae reta rami ko.

San Mateo 15:24

Javoi Jesús jei: —Chembou ko Tumpa Israel pegua reta peño. Jókuae vecha okañɨ vae rami vae reta pe.

San Mateo 9:36

Ërei oecha yave jeta vae, oiparareko omae jese reta. Echa jae reta iyangarekoambae jare opa oñemoai moai, vecha iyangarekoambae rami.

San Marcos 6:34

Jesús ogüeyɨ yave barco raɨ güi, oecha jeta yae vae, jare oiparareko omae jese reta. Echa jae reta vecha iyangarekoambae rami yogüɨreko. Jare omboɨpɨ omboe reta jeta mbaembae re.

San Juan 10:9

Che ko jae öke. Che rupi oike vae oyemboasaukata ko. Oiketa jare oëta jare oväeta mbae jou vaerä.

DEUTERONOMIO 31:2

“Añave anoi ma ciento veinte año, mbaetɨ ma chepuere; jare yandeYa jei yoapɨ cheve: ‘Ngaraa reasa kuae Jordán.’

1 Pedro 2:25

Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.

1 SAMUEL 18:13

Jayave Saúl ombosɨrɨ iyeugüi jare oñono mil vae sundaro reta juvicharä; jare David güɨraja jare güeru ye yepi ñeraroa güi.

1 SAMUEL 8:20

roiko vaerä vi ïru ɨvɨ pegua tëtaguasu reta rami, oreruvicha guasu toyangareko oreré, jae toguata oreve ñeraroa pe.