NÚMEROS 26:59 - Biblia Guarani Tumpa Iñee

⁵⁹ Amram jembireko jee Jocabed, Leví tayɨ, Egipto pe oa chupe vae; kuae kuña imembɨ Amram pe, jare oa chupe Aarón, Moisés jare jeindɨ María.

NÚMEROS 26:59 ပူးပေါင်းရင်းမြစ်များ

ÉXODO 15:20

Jare ñeemombeúa María, Aarón jeindɨ oipɨɨ metei angúa raɨ, jare opaete kuña reta oë jaɨkue angúa raɨ ndive ochüke reve,

ÉXODO 2:4

Jare jókuae michia jeindɨ omae oiko jese mombɨrɨ güi maratuta ra oasa vae.

ÉXODO 6:20

Jare Amram güɨreko jembirekorä iyaiche Jocabed, kuae imembɨ chupe, jare ombojee Aarón jare Moisés. Jare Amram oiko ciento treinta y siete año.

LEVÍTICO 18:12

Agüɨye kia nunga vae topoko tu jeindɨ re, echa iyaiche ko, metei tugüɨ ko tu ndive.

NÚMEROS 12:1

María jare Aarón iñeenguru Moisés kotɨ, kuña Cus iñemuña pegua jeko pegua, echa jae omenda kuña Cus iñemuña pegua ndive.

NÚMEROS 20:1

Tenondegua yasɨ pe, Israel iñemuña reta yogüɨraja oväe ñuu Zin pe, jare oyembojeyupa reta Cades pe; joko pe María omano, jare joko pe oñotɨ reta.