NÚMEROS 25:8 - Biblia Guarani Tumpa Iñee

⁸ jare ojo jókuae Israel iñemuña reta pegua jaɨkue o guakapi pegua pe, jare oɨe rasa päve, kuimbae Israel iñemuña pegua jare kuña Madián pegua. Javoi osondo mbaerasɨ pɨ̈chɨi yae vae oparapiti oï Israel iñemuña reta ipɨte rupi vae,

NÚMEROS 25:8 ပူးပေါင်းရင်းမြစ်များ

2 SAMUEL 21:14

Jare oñotɨ reta Saúl jare taɨ Jonatán ikägüegüe Zela pe, Benjamín iñemuñagüe reta iɨvɨ pe; oñotɨ tu amɨri Cis jɨvɨa oïa pe. Oyeapo opaete mburuvicha guasu jei rami. Javoi Tumpa ipɨakatu ye jókuae ɨvɨ pegua reta pe.

2 SAMUEL 24:25

jare omopüa joko pe metei mɨmba oyeyuka oyeapɨ jese vae, jare omee jese mɨmba oyeyukagüe opaetei oyeapɨ vae jare mbota yembopɨakatu pegua. Jayave yandeYa oendu tëta isapúkai, jare osondo mbaerasɨ pɨ̈chɨi Israel pe.

1 CRÓNICAS 21:22

Jayave David jei Ornán pe: —Emee cheve kuae trigo rembopiriría amopüa vaerä pɨpe metei mɨmba oyeyuka oyeapɨ jese vae yandeYa pe. Emee tagua jepɨ kavi oï rupi, oasa vaerä manoɨvɨ guasu tëta güi.

MALAQUÍAS 2:5

“Jókuae cheporogüɨrökuavee päve Leví iñemuña reta ndive jae ko tekove jare mbɨakatu. Kuae reta amee chupe oipoɨu vaerä chegüi jare chemboete vaerä; oipoɨu reta chegüi jare chemboete.

NÚMEROS 17:13

Oipotagüe oya tupao guakapi pegua yandeYa imbae re vae omano. ¿Opaeteita pa ko romano?”

NÚMEROS 25:11

—Finees Eleazar taɨ, sacerdote Aarón jɨmɨmino omombɨta chearasɨ Israel iñemuña reta kotɨ, echa jae jägüɨro vi che rami jese reta. Jáeramo, cherägüɨro rupi mbaetɨ opa amboai Israel iñemuña reta.

NÚMEROS 25:5

Jayave Moisés jei Israel iñemuña reta oporojäa vae reta pe: —Peyuka perëtara reta güi oyemboya tumpa-raanga Baal-peor re vae.

JOSUÉ 7:26

Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.