NÚMEROS 25:6 - Biblia Guarani Tumpa Iñee

⁶ Ërei ngatu metei kuimbae Israel iñemuña reta pegua güeru metei kuña Madián pegua jëtara reta ipɨte pe, Moisés jare opaete Israel iñemuña reta jovake, jae reta oyaeo ramboeve tupao guakapi pegua jöke pe.

NÚMEROS 25:6 ပူးပေါင်းရင်းမြစ်များ

GÉNESIS 37:28

Jare oasa Madián pegua omaemee vae reta yave güɨnoe reta José ɨvɨkua güi jare omee reta Ismael iñemuña reta pe veinte reare korepoti pegua pe. Jökorai güɨraja reta José Egipto kotɨ.

1 REYES 11:18

Ñogüɨnoe Madián güi jare yogüɨraja oväe Parán pe, joko pegua oiporu amogüe kuimbae reta pe omoïru vaerä. Yogüɨraja oväe Egipto pe, jare oyemombeu reta Faraón mburuvicha guasu Egipto pegua pe, jare jae omee chupe reta jorä jare tembíu, jare omee vi iɨvɨrä.

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 36:23

Jare Jehudí omongeta yave mboapɨ ani irundɨa jɨsɨ jókuae tembikuatía güi, mburuvicha guasu oyasɨa kɨseraɨ pe jare oitɨ jókuae tata jendɨ oï iyɨpɨ pe vae pe. Jökorai opa oapɨ jókuae tembikuatía oyepomombɨ vae.

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

NÚMEROS 16:47

Jayave Aarón oipɨɨ ikäti kavi vae incienso oyeapɨ pɨpe vae Moisés jei chupe rami, jare osɨi jeta oyemboatɨ ñogüɨnoia kotɨ; jare oecha omboɨpɨ ma omano ñogüɨnoi jeta vae tëta pe; jare jae oñono ikäti kavi vae incienso jare oyapo chupe reta Tumpa iñɨ̈ro vaerä mbaeyoa re;

NÚMEROS 22:4

Jare tëta Moab pegua reta jei Madián pegua tenondegua reta pe: “Añave kuae reta opata ko omokañɨtei opaete yandeɨ́vɨri ñogüɨnoi vae, güeye jou kapiata vae rami.” Jare Balac Zipor taɨ, jae ko mburuvicha guasu Moab pegua jayave rupi.

NÚMEROS 31:2

“Eyepɨ Madián pegua reta re Israel iñemuña reta pe, jókuae jaɨkue rupi remanota.”

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.

JUECES 2:4

YandeYa iaraɨgua opa imiari yave, opaete Israel iñemuña reta jäse täta oyaeo.