NÚMEROS 25:18 - Biblia Guarani Tumpa Iñee

¹⁸ echa jae reta oiporarauka peve, ipoki rupi pembotavɨ omboeteuka peve Baal-peor, jare jeindɨ Cozbi rupi, metei tenondegua Madián pegua tayɨ, omano mii pe vae, ambou yave mbaerasɨ pɨ̈chɨi yae vae oparapiti, Baal-peor jeko pegua.

NÚMEROS 25:18 ပူးပေါင်းရင်းမြစ်များ

GÉNESIS 26:10

Abimelec jei: —¿Maera pa kuae reyapo oreve? Ipuere viña amogüe kuimbae tëta pegua oke nderembireko ndive, reruta viña oreré mbaeyoa.

GÉNESIS 3:13

Jayave yandeYa Tumpa jei kuña pe: —¿Maera pa ko kuae reyapo? Kuña jei Tumpa pe: —Mboi ko chembotavɨ, jare jau.

1 REYES 11:18

Ñogüɨnoe Madián güi jare yogüɨraja oväe Parán pe, joko pegua oiporu amogüe kuimbae reta pe omoïru vaerä. Yogüɨraja oväe Egipto pe, jare oyemombeu reta Faraón mburuvicha guasu Egipto pegua pe, jare jae omee chupe reta jorä jare tembíu, jare omee vi iɨvɨrä.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

ÉXODO 32:35

Jare yandeYa ombou mbaerasɨ opaete vae re, echa omboete reta toro taɨrusu vae iä, Aarón oyapo chupe reta vae.

NÚMEROS 25:15

Jókuae kuña jee Cozbi, Zur tayɨ, jae ko metei tëtara Madián pegua itenondegua.

NÚMEROS 25:17

—Peporepeña Madián pegua reta re, jare opa peyuka,

NÚMEROS 26:1

Jare jókuae mbaerasɨ pɨ̈chɨi yae vae oparapiti vae oasa güire, yandeYa jei Moisés jare Eleazar sacerdote Aarón taɨ pe:

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.