NÚMEROS 25:13 - Biblia Guarani Tumpa Iñee

¹³ güɨnoita jae jare iñemuña reta jae jaɨkue rupi, morogüɨrökuavee sacerdote pegua jekuae avei pegua, jägüɨro cheré jeko pegua jare oyapo Israel iñemuña reta re Tumpa iñɨ̈ro vaerä mbaeyoa re.

NÚMEROS 25:13 ပူးပေါင်းရင်းမြစ်များ

2 SAMUEL 21:3

David oparandu Gabaón pegua reta pe: —¿Mbae pa ayapota peve, ani mbae pe pa pombopɨakatuta pere vaerä ñee kavi tëta yandeYa imbae vae kotɨ?

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 19:14

Jare jei: “Ayandu cherägüɨro yae nde cheYa Tumpa imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 2:27

Jökorai Salomón oekɨ Abiatar sacerdoterä oyeokuai Tumpa pe vae güi, jare jökorai oyembopo yandeYa jei Silo pe Elí iñemuña reta kotɨ vae.

NEHEMÍAS 13:29

¡CheRu Tumpa: Agüɨye neakañɨ kuae omongɨa sacerdote pegua mbaravɨkɨ vae, jare morogüɨrökuavee päve oyeapo sacerdote reta jare levita reta peguarä vae!

SALMOS 106:31

Jókuae oyapogüe re Tumpa omae jese, jupi jekuae avei rupi vae.

SALMOS 119:139

Neñee re cherägüɨro vae cheyukata ma, echa cherovaicho reta ñakañɨ chugüi.

SALMOS 69:9

Echa ndero re cherägüɨro yae vae re aiporara; ndeangao vae reta cheangao vi.

ÉXODO 29:9

eñono kuakuaa Aarón ikúa re jare taɨ reta ikúa re, jare eñono kavi jese reta äka-ɨru, jökorai yogüɨreko vaerä chesacerdoterä jekuae avei pegua. Körai eñono tee Aarón jare taɨ reta.

ÉXODO 32:30

Jare pɨareve pe Moisés jei opaete vae pe: —Pe reta peyapo mbaeyoa ikavimbae yae ete vae, ërei añave che ajata yandeYa pɨri, güɨramoi amoɨ̈ro peve peyoa re.

ÉXODO 40:15

epɨyere jese reta asaite, tu re repɨyere rami, jare toyogüɨreko chesacerdoterä. Jókuae asaite oyepɨyere jese reta vae rupi toyogüɨreko chesacerdoterä jekuae avei rupi.”

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

JEREMÍAS 33:18

Ngaraa vi oata sacerdote jare levita reta iñemuña güi ara ñavo omee vaerä cheve mɨmba oyeyukagüe opaetei oyeapɨ vae, jare oapɨ reta mbota temitɨ jäɨgüe jare ïru mɨmba reta oyeyukagüe vae.”

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

LEVÍTICO 15:15

Jare sacerdote tomee metei mbota mbaeyoa regua, jare ïru mɨmba oyeyukagüe opaetei oyeapɨ vae peguarä; jökorai sacerdote toitɨo cheróvai jókuae kuimbae imbaerasɨ güi taɨ oë vae.

MALAQUÍAS 2:8

Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

NÚMEROS 16:46

jare Moisés jei Aarón pe: —Eipɨɨ ikäti kavi vae incienso oyeapɨ pɨpe vae, jare eñono pɨpe tata mɨmba oyeyuka oyeapɨ jese vae pegua, jare eñono iárambo ikäti kavi vae incienso jare ekua aramoete tëta yatɨ ñogüɨnoi vae reta pɨri, jare eyapo chupe reta Tumpa iñɨ̈ro vaerä mbaeyoa re, echa yandeYa iyarasɨ ou ma; omboɨpɨ ma omano ñogüɨnoi jeta vae.

NÚMEROS 16:47

Jayave Aarón oipɨɨ ikäti kavi vae incienso oyeapɨ pɨpe vae Moisés jei chupe rami, jare osɨi jeta oyemboatɨ ñogüɨnoia kotɨ; jare oecha omboɨpɨ ma omano ñogüɨnoi jeta vae tëta pe; jare jae oñono ikäti kavi vae incienso jare oyapo chupe reta Tumpa iñɨ̈ro vaerä mbaeyoa re;

NÚMEROS 17:12

Jayave Israel iñemuña reta jei Moisés pe: “¡Opaeteita ndipo romano! ¡Ngaraa ndipo rojoyepe!

NÚMEROS 25:14

Jare jókuae kuimbae omano kuña Madián pegua ndive vae jee ko Zimri, Salu taɨ, metei tëtara Simeón iñemuña pegua güi tenondegua vae.

San Juan 2:17

Jayave jemimboe reta imaendúa oyekuatía oï vae re: “Ndero re cherägüɨro yae vae re aiporara.”

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 7:11

Oime yave mona yembojupi sacerdote levita reta rupi (echa jae reta omboresive mborookuai jeta vae reta peguarä), mbaetɨ ma oata ïru sacerdote Melquisedec rami vae, Aarón iñemuña peguambae vae.

JOSUÉ 7:12

Jáeramo Israel iñemuña reta ngaraa ipuere oñeraro jovaicho reta ndive, otekuaraiñota jovaicho reta güi; echa oa reta cheyepopeyu pe; ngaraa ye ma aï pe ndive, mbaetɨ yave pemboai peyeugüi yepopeyu oï jese vae, kuae pepɨte pe oï vae.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.