NÚMEROS 23:21 - Biblia Guarani Tumpa Iñee

²¹ Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

NÚMEROS 23:21 ပူးပေါင်းရင်းမြစ်များ

2 CRÓNICAS 13:12

Mase, añave Tumpa oï ore ndive, oreruvicharä, isacerdote reta mimbɨguasu ndive omoñee vaerä ñeraro pegua pekotɨ. Jáeramo Israel iñemuña reta agüɨye peñoraro yandeYa peñemuñagüe reta iTumpa ndive, echa ngaraa oë kavi peve.”

SALMOS 103:12

Kuaraɨ oëa, matɨ yae oï kuaraɨ oikea vae güi rami matɨ omondo yandepɨapochɨ reta yandegüi.

SALMOS 118:15

Jupi vae reta jo pe, oime sapúkai oporomoamɨri pegua, jei reta: “¡YandeYa imbaepuere oyapo mbae tuichagüe!

SALMOS 135:21

¡Sión güive toyemboeteuka yandeYa, jae oiko Jerusalén pe vae! ¡Aleluya!

SALMOS 23:4

Yepe tëi aguata ɨvɨtɨ päu ñamano rape katúa rupi, ërei ngaraa akɨɨye mbae nunga ikavimbae güi, echa nde reïta che ndive; ndeɨvɨra jare ndepopoka chemoäta ngatuta.

SALMOS 32:2

Toyerovia kuimbae, yandeYa mbaetɨ omboeko mbaeyoa re vae, jare mbaetɨ oyekuaa jese tavɨ vae.

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 46:7

¡YandeYa Imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 97:1

¡YandeYa jae ko Mburuvicha guasu! ¡Toyerovia opaete ɨvɨ! ¡Toyerovia opaete tëtaguasu reta ɨguasu jembeɨ rupigua!

SALMOS 99:2

YandeYa ko Sión pe tuichagüe vae; tuichagüe yae ko opaete tëta reta re.

ÉXODO 13:21

Jare yandeYa ojo jae reta jenonde metei jɨsɨ amapɨtu re, ara pe omomoe vaerä japerä, jare pɨ̈tu yave metei jɨsɨ tata ara re, omoembipe vaerä chupe reta; ipuere vaerä oguata reta ara pe jare pɨ̈tu yave.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 33:21

Joko pe yandeYa oïta yandeveguarä imbaepuere yae reve, ɨ̈aka ipɨguasu vae oime joko pe ramita, ërei ngaraa oporepeña jokoropi tovaicho reta, ibarco pe ani ibarco tuicha yae vae pe ave.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 38:17

Chepɨagüive kavi aiko pe ou cheve mbɨatɨtɨ tuichagüe vae, ërei nde reyemoambeko cherenoe vaerä mano güi, echa neɨ̈ro cheve opaete cheyoa reta re.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

JEREMÍAS 50:20

Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

EZEQUIEL 48:35

Opaete reve jókuae tëta guasu ikësea güɨnoita dieciocho mil metro. Jare jókuae ara güive tëta guasu jeeta: ‘YandeYa oï kuae pe.’ ”

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.

NÚMEROS 14:19

Neɨ̈ro añave kuae tëta pe, jupimbae oyapo vae re, ndeporoparareko tuicha vae jeko pegua, neɨ̈ro kuae tëta pe, Egipto güive yogüerui oväe kuae pe regua rami.

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

NÚMEROS 9:22

Ani amapɨtu opɨta yave mókoi ara, ani metei yasɨ, ani metei año tupao guakapi pegua iárambo, Israel iñemuña reta opɨta vi jeyupa pe, jare mbaetɨ omɨi reta; ërei amapɨtu oyemboɨvate yave, omboɨpɨ reta oguata.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

Romanos 6:14

Jökorai mbaeyoa ngaraa ma güɨnoi mbaepuere peré. Echa mbaetɨ peï mborookuai igüɨ pe, peï ma ko Tumpa ipɨakavi igüɨ pe.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

DEUTERONOMIO 31:23

YandeYa oyókuai Josué, Nun taɨ, jei chupe körai: “Eñemomɨ̈rata jare eñemoäta ngatu, echa nde reroiketa Israel iñemuña reta jókuae ɨvɨ añererökuavee cheree re amee vaerä chupe reta vae pe, che aïta nde ndive.”

DEUTERONOMIO 32:5

Mbaetɨ oñeväe jese ikavimbae, taɨ reta ko iyoa, jeko pɨ̈chɨi jare ipɨapochɨ vae reta ko.

DEUTERONOMIO 33:5

oiko mburuvicha guasurä Jesurún pe tëta itenondegua reta oyomboatɨ yave, Israel iñemuña reta oyomboatɨ yave.”

DEUTERONOMIO 9:24

¡Che amboɨpɨ pokuaa güive pepɨapochɨ reteiño yandeYa kotɨ!

JUECES 6:13

Jare Gedeón jei: —Atataɨ cheya, oreYa oime oiko ore ndive yave ¿maera pa oasa ore ndive opaete kuae mbaembae? ¿Jama pa jókuae mɨakañɨ reta oreñemuñagüe reta imiari oreve jese vae, orerenoe ɨvɨ Egipto güi yave vae? Jare añave orereeya oremee Madián iñemuña reta ipo pe.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.