NÚMEROS 23:19 - Biblia Guarani Tumpa Iñee

¹⁹ Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

NÚMEROS 23:19 ပူးပေါင်းရင်းမြစ်များ

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 28:15

Añave, ko aï nde ndive jare ayangarekota nderé reoa rupi, jare rogüeru yeta kuae ɨvɨ pe; ngaraa roeya, ayapo regua ndeve jae ndeve vae.”

1 REYES 14:11

Tëta guasu pe omano yave Jeroboam iñemuña, yaɨmba reta jouta, jare kaa pe omano yave, uruapúa reta jouta; echa che ndeYa ko jae jökorai.’

2 REYES 15:12

Körai oyeapo yandeYa jei Jehú pe vae, jei yave chupe: “Nderaɨ reta yogüɨrekota mburuvicha guasurä Israel pe irundɨ ñemuña regua.”

2 REYES 7:2

Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

1 CRÓNICAS 17:17

¡Jare mbaeä ndeve cheYa Tumpa, cheñemuña re ave nemiari këraita yogüɨreko kuri vae re, jare cheapo metei kuimbae imboetea yae vae rami cheYa Tumpa!

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

SALMOS 132:11

Añetete, yandeYa jei jee re aeño David pe, ngaraa jae oipoepɨ iñee; echa jei:

SALMOS 77:9

¿Iñakañɨ ra Tumpa güɨnoi vaerä mboroparareko? ¿Iyarasɨ yae ete ra, mbaetɨ vaerä ma oporoparareko?

SALMOS 89:34

Ngaraa cheakañɨ cheporogüɨrökuavee päve güi, ngaraa vi aipoepɨ jaegüe.

SALMOS 89:35

Añererökuavee cheree ikɨambae re vae, ambopota ko David pe.

ISAÍAS 21:17

Jare mbovɨ yaeta jembɨre Cedar pegua, uvɨ regua jëia yae vae reta.” Echa yandeYa Imbaepuere yae ete vae, Israel iTumpa ko jei jökorai.

ISAÍAS 31:2

Ërei jae iyarakuaa vae ko jare oikatu güeru vaerä susere, jae jei yave mbae, mbaetɨ oipoepɨ. Oñemopüata jeko ikavimbae vae reta kotɨ, iyoa vae reta omborɨ vae reta kotɨ.

ISAÍAS 40:8

Ñana yɨpi, mbaepotɨ ipiru; ërei ngatu ñaneTumpa iñee oiko jekuae avei.”

ISAÍAS 46:11

Kuaraɨ oëa kotɨ güi aenɨi metei güɨraké rami vae, matɨ güi outa metei kuimbae aiparavo vae, outa oyapo ayemongeta ayapo vaerä vae. Jae vae, ayapota ko, ayemongeta ayapo vaerä vae, ambopota ko.

ISAÍAS 55:11

jökoraita ko cheñee oë cheyuru güi vae; ngaraa ou ye jökoraiño chekotɨ, oyapota ko che aipota vae, jare ikavita ko jókuae amondo chupe vae reta pe.

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

DANIEL 4:28

Opaete kuaekuae reta oyembopo mburuvicha guasu Nabucodonosor re:

OSEAS 11:9

Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

NÚMEROS 14:35

Che ko peYa, cheñee amoë vae: Jökoraita ayapo opaete kuae jeta vae reta, ipɨapochɨ vae reta, oñemopüa chekotɨ vae reta; kuae ñuu pe opata okañɨtei, joko pe opata omano reta.

NÚMEROS 23:18

Jayave Balaam jei ombojaanga reve mbae oasata vae, körai: “Balac, Zipor taɨ, eyeapɨsaka kavi cheré.

San Lucas 21:33

Ara jare ɨvɨ opata ko, ërei cheñee ngaraa opa.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

Romanos 9:6

Kuae mbaetɨ ko Tumpa oñererökuavee Israel pe vae oyembopoä, echa opaeteä ko Israel iñemuña reta, Israel iñemuña añetete vae.

2 Timoteo 2:13

Mbaetɨ yave jupi kavi yaiko, jae iñee ombopo avei. Jae mbaetɨ iyapu.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

Hebreos 7:21

ërei ïru sacerdote reta oñono ko Tumpa jeimbae reve jee re. Ërei yandeYa, oñeñono Tumpa jei jee re aeño vae rupi, echa jei chupe: “YandeYa jei jee re ae, jare ngaraa oipoepɨ iyemongeta: ‘Nde ko jae sacerdote reiko avei vaerä, Melquisedec rami.’ ”

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

JOSUÉ 21:45

Mbaetɨ metei ave ñee oyeapombae, opaete ñee ikavigüe yandeYa jei Israel iñemuña reta pe vae, opaetei oyeapo.

1 SAMUEL 15:29

Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.

1 SAMUEL 3:12

Jókuae ara che ambopota cheñee Elí kotɨ, opaete mbaembae che jae iñemuña reta kotɨ vae, iyɨpɨ güive iyapɨ kotɨ.