NÚMEROS 23:17 - Biblia Guarani Tumpa Iñee

¹⁷ Jare Balaam ojo ye Balac kotɨ, jare jae oime oï mɨmba oyeyukagüe opaetei oyeapɨ vae iyɨpɨ pe, opaete Moab pegua mburuvicha reta ndive. Jare Balac oparandu chupe: —¿Mbae pa Tumpa jei?

NÚMEROS 23:17 ပူးပေါင်းရင်းမြစ်များ

JEREMÍAS 37:17

mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

NÚMEROS 23:16

Jare yandeYa oë oövaiti Balaam, jare omee iñeerä, jare jei chupe: —Ekua ye Balac kotɨ, jare ere jökorai chupe.

NÚMEROS 23:18

Jayave Balaam jei ombojaanga reve mbae oasata vae, körai: “Balac, Zipor taɨ, eyeapɨsaka kavi cheré.

NÚMEROS 23:26

Ërei Balaam jei Balac pe: —¿Amombeuä pa ndeve, opaete yandeYa jei cheve vaeño ayapota vae?

1 SAMUEL 3:17

Jare Elí jei: —¿Mbae pa jei yandeYa ndeve? Romoñera agüɨye vaerä reikuaku chegüi. ¡Tumpa täta toiporarauka ndeve, reikuaku yave chegüi opaete mbaembae jei ndeve vae!