NÚMEROS 23:15 - Biblia Guarani Tumpa Iñee

¹⁵ Jare jei Balac pe: —Epɨta kuae mɨmba oyeyukagüe opaetei oyeapɨ vae iyɨpɨ pe, jare che ajata añoövaiti yandeYa ndive joko pe.

NÚMEROS 23:15 ပူးပေါင်းရင်းမြစ်များ

NÚMEROS 22:8

Jare jae jei chupe reta: —Pepɨta kuae pe kuae pɨ̈tu, jare che ameeta peve ñee yandeYa omombeu cheve rupi. Jökorai Moab pegua mburuvicha reta opɨta Balaam pɨri.

NÚMEROS 23:14

Jare Balac güɨraja Balaam Zofim pe, ɨvɨtɨ Pisga iyapɨte re, jare omopüa chiu mɨmba oyeyuka oyeapɨ jese vae reta, jare omee metei toro taɨrusu vae jare metei vecha kuimbae mɨmba oyeyuka oyeapɨ jese vae ñavo re.

NÚMEROS 23:16

Jare yandeYa oë oövaiti Balaam, jare omee iñeerä, jare jei chupe: —Ekua ye Balac kotɨ, jare ere jökorai chupe.

NÚMEROS 23:3

Javoi Balaam jei Balac pe: —Epɨta mɨmba oyeyukagüe opaetei oyeapɨ vae iyɨpɨ pe; che ajata yaecha yandeYa oyekuaauka cheve, jare oipotagüe mbae oechauka cheve vae, amombeuta ndeve. Jare Balaam ojo metei ɨvɨtɨ ñanambaea re tei.

JOSUÉ 24:10

Ërei che mbaetɨ amaeño Balaam oyepopeyu vaerä pekotɨ jare jei ñee kavi pekotɨ. Jökorai pogüɨroasayepe jae reta ipo güi.