NÚMEROS 22:8 - Biblia Guarani Tumpa Iñee

⁸ Jare jae jei chupe reta: —Pepɨta kuae pe kuae pɨ̈tu, jare che ameeta peve ñee yandeYa omombeu cheve rupi. Jökorai Moab pegua mburuvicha reta opɨta Balaam pɨri.

NÚMEROS 22:8 ပူးပေါင်းရင်းမြစ်များ

1 REYES 13:8

Ërei Tumpa iñeemombeúa jei mburuvicha guasu pe: —Yepe tëi mona remee cheve ndero pegua mbɨte rupi, ngaraa aja nderupíe, ngaraa vi akaru jare jau ɨ kuae pe;

1 REYES 22:14

Micaías jei chupe: —¡YandeYa jee re, jaeño amombeuta yandeYa jeigüe!

JEREMÍAS 12:2

Reñotɨ reta temitɨ rami ɨvɨ pe, japo reta oyepota, okuakuaa reta jare ia reta. Iyuru peño ndemboete yae reta, ërei ipɨa pe mombɨrɨ ñogüɨnoi ndegüi.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

NÚMEROS 22:18

Ërei Balaam jei, Balac jembiokuai reta pe: —Yepe tëi Balac omotɨnɨe jo omee cheve korepoti jare oro, ngaraa chepuere ayavɨ cheYa Tumpa iñee, ayapo vaerä mbae michi vae yepe ani mbae tuicha vae yepe.

NÚMEROS 22:38

Jare Balaam jei chupe: —Ko ayu ma amae nderé; ërei mbaetɨta jaeiño mbae, Tumpa omeeta cheñeerä vaeño jaeta.

NÚMEROS 22:7

Jare Moab pegua jare Madián pegua tenondegua reta güɨraja reta ipo pe imbaekuaa vae pe oyemboepɨ rami, jare opa yogüɨraja oväe Balaam pe, jare jei reta chupe Balac iñee.

NÚMEROS 22:9

Jare Tumpa ou Balaam pɨri, jei chupe: —¿Kia nunga pa kuae kuimbae reta ñogüɨnoi ndépɨri vae?

NÚMEROS 23:12

Jare Balaam jei: —Ngaraa aipoɨu chemiari yandeYa omee cheñeerä vae.

NÚMEROS 23:3

Javoi Balaam jei Balac pe: —Epɨta mɨmba oyeyukagüe opaetei oyeapɨ vae iyɨpɨ pe; che ajata yaecha yandeYa oyekuaauka cheve, jare oipotagüe mbae oechauka cheve vae, amombeuta ndeve. Jare Balaam ojo metei ɨvɨtɨ ñanambaea re tei.

NÚMEROS 24:13

yepe tëi Balac omotɨnɨe jo omee cheve korepoti jare oro, ngaraa chepuere ayavɨ yandeYa iñee, ayapo vaerä mbae ikavi vae yepe ani mbae ikavimbae yepe, chepɨa jemimbota rupi aeño; yandeYa mbae jei vae, jokuaeño jaeta.