NÚMEROS 22:34 - Biblia Guarani Tumpa Iñee

³⁴ Jayave Balaam jei yandeYa iaraɨgua pe: —Cheyoa ko, mbaetɨ ramo aikuaa nde ko reñeñono cheopia vaerä tape pe; ërei añave mbaetɨ ko jae kavi ndeve yave, tayerova ye.

NÚMEROS 22:34 ပူးပေါင်းရင်းမြစ်များ

2 SAMUEL 12:13

Jayave David jei Natán pe: —Cheyoa ko yandeYa kotɨ. Jare Natán jei David pe: —YandeYa iñɨ̈ro ndeve ndeyoa re, mbaetɨta remano.

1 CRÓNICAS 21:7

Jökoraiño vi Tumpa pe mbaetɨ etei jaekavi, jare ombou tembiporara Israel iñemuña reta re.

SALMOS 78:34

Tumpa ombou chupe reta mano yave, jayave oyerova reta ikotɨ jare oeka reta ikueraimbae.

ÉXODO 9:27

Jayave Faraón omondo oenɨiuka Moisés jare Aarón, jare jei chupe: —Añave cheyoa aipo, peYa jupi ko; che jare cherëtaɨgua reta oreyoa vae reta ko.

PROVERBIOS 24:18

echa yandeYa, ngaraa oyerovia omae kuae re, jare iyarasɨta ndekotɨ.

NÚMEROS 11:1

Jare Israel iñemuña reta iñeenguru yandeYa kotɨ; yandeYa oendu jare iyarasɨ yae, jare ombou tata chupe reta, jare opa oapɨ teyupa metei jembeɨ.

NÚMEROS 14:40

Jare pɨareve pe ndeimbove yave opüa reta jare oyeupi reta ɨvɨtɨ iyapɨte re, jei reta reve: —¡Ko ñaï ma kuae pe! Yaja vaerä jókuae yandeYa güɨrökuaveea pe; echa yandeyoa ko.

NÚMEROS 22:12

Jayave Tumpa jei Balaam pe: —Agüɨye ekua jae reta ndive, jare agüɨye ave eyepopeyu kuae tëta re, echa che cheporerekua jese vae ko.

NÚMEROS 22:33

Mburika chereecha, jare osɨrɨ chegüi kuae mboapɨ ye ma; ërei ngatu mbaetɨ osɨrɨ yave viña, che royukata tëi ma ko jare mburika amaeñota oikove.

1 SAMUEL 15:24

Jayave Saúl jei Samuel pe: —Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,

1 SAMUEL 15:30

Jare jei: —Ayapo mbaeyoa. Ërei romoñera chemboete vaerä mburuvicha rami Israel iñemuña reta jóvai jare itenondegua reta jóvai, jare eyu che ndive amboete vaerä ndeYa Tumpa.

1 SAMUEL 24:17

Jare jei David pe: —Jupi yae nde chegüi, che ayapota tëi ndeve ikavimbae vae, ërei nde remboekovia cheve ikavi vae pe.

1 SAMUEL 26:21

Jayave Saúl jei: —¡Ayapo mbaeyoa! ¡Yaja ye cherupíe cheraɨ David, mbaetɨta mbae ikavimbae ayapo ndeve, echa nde mbaetɨ mbae reyapo cheve, che ayapo mbae aikuaambae reve, jare ayavɨ tuicha rupi!