NÚMEROS 22:31 - Biblia Guarani Tumpa Iñee

³¹ Jare yandeYa oechauka Balaam pe, jayave ramo oecha yandeYa iaraɨgua oï tape pe, ikɨsepuku jɨrumbae ipo pe güɨnoi. Jare Balaam omboete jare oyetavatɨka itindɨasɨ ɨvɨ re.

NÚMEROS 22:31 ပူးပေါင်းရင်းမြစ်များ

GÉNESIS 21:19

Jayave Tumpa omee chupe oecha vaerä ɨ jesaɨ vae, jare ojo omotɨnɨe iɨrɨru mɨmbapire pegua, jare omee oɨu kunumi raɨ.

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

SALMOS 9:20

Eiämondo reta cheYa, ¡toikuaa jae reta kuimbaeño ko vae!

ÉXODO 34:8

Jayave Moisés jarembae pegua oyetavatɨka itindɨasɨ ɨvɨ re, jare omboete yandeYa.

NÚMEROS 22:30

Ërei mburika jei Balaam pe: —¿Ndemburikaä pa che? Cheré ko repo opaete ara rupi, nderɨmbarä aiko güive. ¿Jökoraiñoi pa roapo? Jare Balaam jei: —Mbaetɨ.

NÚMEROS 24:16

yandeYa iñee oendugüe jei vae, oikuaa Tuichagüe yae ete vae oikuaa vae, Imbaepuere yae ete vae oechauka mbae chupe vae, ikera rupi mbae oecha katu vae:

NÚMEROS 24:4

Tumpa iñee oendugüe jei vae, Imbaepuere yae ete vae oechauka mbae chupe vae, ikera rupi mbae oecha katu vae:

San Lucas 24:16

Ërei jae reta mbaetɨ oikuaa Jesús. Echa oñeomi chugüi reta agüɨye vaerä oikuaa.

San Lucas 24:31

Jayave ramo oyepea jesa reta jare ipuere oikuaa reta Jesús. Ërei jae okañɨ chugüi reta.

San Juan 18:6

Jesús jei yave chupe reta: “CHE KO”, opa oa reta jaɨkue kotɨ rupi ɨvɨ re.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

JOSUÉ 5:14

Jókuae kuimbae jei chupe: —Mbaetɨ metei peguarä ave; yandeYa isundaro reta Juvicha ko ayu añave. Jayave Josué oyetavatɨka jare itindɨasɨ ɨvɨ re omboete, jare jei chupe: —¿Mbae pa rereta cheve cheYa, che nderembiokuai pe?