NÚMEROS 22:23 - Biblia Guarani Tumpa Iñee

²³ Jare mburika oecha yandeYa iaraɨgua, ipo pe ikɨsepuku jɨrumbae ndive tape pe oyemboɨ oï; jare mburika opia tape güi, oike ojo ñana rupi. Jayave Balaam oinupa imburika ombou ye vaerä tape kotɨ.

NÚMEROS 22:23 ပူးပေါင်းရင်းမြစ်များ

2 REYES 6:17

Jare Eliseo oyerure yandeYa pe, jei reve: “CheYa, romoñera, eipea jesa omae vaerä.” Jayave yandeYa oipea tembiokuai jesa, jare omae; jare oecha ɨvɨtɨ rupi tɨnɨe kuimbae reta kavayu regua, jare käretou tata katuai vae Eliseo iyɨ́vɨri rupi.

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

JEREMÍAS 8:7

Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.

DANIEL 10:7

Che, Danielño aecha jókuae oyekuaa cheve vae, jare mbaetɨ oecha jókuae kuimbae reta ñogüɨnoi che ndive vae, echa okɨɨye yae reta, opa otekuarai jare opa oñemi reta.

NÚMEROS 22:22

Jare Tumpa iyarasɨ Balaam ojo jeko pegua; jare yandeYa iaraɨgua oñeñono tape pe oyovaicho vaerä jese. Jae opo ojo oiko imburika re jare mókoi jembiokuai ojo jae ndive.

NÚMEROS 22:24

Ërei yandeYa iaraɨgua ojo ye oñeñono tape oasa uvarupa ipäu rupiä pe, kesemba oï yoyavi tape jembeɨ rupi vae pe.

Hechos 22:9

Jare che ndive ñogüɨnoi vae reta oecha tembipe, jare okɨɨye reta. Ërei mbaetɨ oikuaa mbae jei jókuae imiari che ndive vae.

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

2 Pedro 2:16

Tumpa omboeta chupe iyoa re; echa metei mburika imiari chupe vae rupi oyopia ñeemombeúa yarakuaambae reve oyapota tëi vae.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.