NÚMEROS 21:25 - Biblia Guarani Tumpa Iñee

²⁵ Jökorai Israel iñemuña reta opɨ̈ro opaete tëta guasu reta, jare yogüɨreko opaete amorreo reta iɨvɨ pe, Hesbón pe jare tëta raɨ raɨ reta iyɨ́vɨri ñogüɨnoi vae pe.

NÚMEROS 21:25 ပူးပေါင်းရင်းမြစ်များ

CANTARES 7:4

Ndeayu, oɨvate elefante jäimbuku pegua rami; nderesa reta, ɨrɨru reta tëta guasu Hesbón pegua rami, öke Bat-rabim jóvai pegua rami; netï, Líbano pegua maeka ɨvate vae rami, tëta guasu Damasco kotɨ omae vae rami.

ISAÍAS 15:4

Tëta Hesbón jare Eleale pegua reta jäseta; tëta Jahaza pe oyeenduta jäse reta; jókuae re oyaeota kuimbae ñeraro regua Moab pegua reta, okɨɨye yae retata.

JEREMÍAS 48:2

Moab jërakua yae vae jaema opa. Hesbón pe tovaicho reta oyapo yemongeta, tëtaguasu Moab omboai vaerä. Jökoraiño vi nde Madmena, reyemboaita, ñeraro ngaraa osɨrɨ ndegüi.

JEREMÍAS 48:34

Hesbón pegua reta omoäse jasɨ katu vae, jare jäse oyeendu Eleale jare Jahaza pe, jare Zoar güi Horonaim, guakiya mboapɨ año vae rami, echa ɨesaɨ Nimrim pegua ave opa tɨpa.

JEREMÍAS 48:45

Amogüe reta otekuarai tëi ipuerembae reve, oeka oñepɨ̈ro vaerä tëta guasu Hesbón pe; ërei Hesbón, mburuvicha guasu Sehón jëta jendɨ oï, jare tata oñemoai oapɨ ɨvɨtɨ Moab pegua, jovaicho pota yae vae reta.

EZEQUIEL 16:46

Ɨvɨtuguasu kotɨ oï nderɨke, tëta guasu Samaria, jare iyɨvɨrigua tëta raɨ reta; arayevɨ kotɨ oï ndepɨkɨɨ, tëta guasu Sodoma jare opaete iyɨvɨrigua tëta raɨ reta.

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

EZEQUIEL 16:53

Che amee yeta Sodoma jare Samaria pe, oï kavi ye vaerä, jare opaete tëta raɨ reta iyɨ́vɨri ñogüɨnoi vae pe; jare ndeve amee yeta vi reï kavi ye vaerä,

AMÓS 2:10

Che ko pogüɨnoe ɨvɨ Egipto güi, jare pogüɨroata ñuu rupi cuarenta año, peike vaerä pepɨ̈ro peyeupe amorreo reta iɨvɨ.

NÚMEROS 21:26

Echa Hesbón ko jae mburuvicha guasu Sehón jëta, amorreo reta juvicha guasu, jae yepe tenonde yave oñoraro mburuvicha Moab pegua ndive, jare opa opɨ̈ro chugüi iɨvɨ, ojoi oväe ɨ̈aka Arnón pe.

NÚMEROS 21:31

Jökorai Israel iñemuña reta oike amorreo reta iɨvɨ pe.

NÚMEROS 32:3

—Ɨvɨ Atarot, Dibón, Jazer, Nimra, Hesbón, Eleale, Sebam, Nebo jare Beón,

DEUTERONOMIO 2:12

Jökorai vi tenonde yave horeo reta yogüɨrekose Seir pe, ërei Esaú iñemuña reta opa omoë omombo reta ipɨte güi, jare yogüɨreko jëtagüe pe, Israel iñemuña reta oporoapo rami yandeYa omee yave ɨvɨ chupe reta.)

JOSUÉ 24:8

jare che pogüeru amorreo reta iɨvɨ pe, ɨ̈aka Jordán güi kuaraɨ oëa kotɨ. Jae reta oñeraro pe ndive, ërei che amee pepo pe, che amokañɨtei perenonde jare peyemombae jókuae ɨvɨ re.

JUECES 11:26

Tresciento año ma roiko Hesbón pe, Aroer jare tëta raɨ iyɨvɨrigua jare opaete tëta reta ɨ̈aka Arnón iyɨvɨrigua reta pe, ¿maera pa mbaetɨ peñeengeta kuae ɨvɨ re opaete jókuae ara reta oasagüe rupi?