NÚMEROS 21:24 - Biblia Guarani Tumpa Iñee

²⁴ Ërei Israel iñemuña reta omoamɨri jare opɨ̈ro iɨvɨ chugüi ɨ̈aka Arnón güive ɨ̈aka Jaboc kotɨ, Amón iñemuña reta iɨvɨ jembeɨ pe; echa Amón iñemuña reta oyangareko kavi yae iɨvɨ jembeɨ re.

NÚMEROS 21:24 ပူးပေါင်းရင်းမြစ်များ

GÉNESIS 32:22

Jókuae pɨ̈tu Jacob opüa omboyupavo mókoi reve jembireko reta, mókoi jembiokuai kuña reta jare once reve taɨ reta, jare güɨroasa ɨ̈aka Jaboc jee vae.

NEHEMÍAS 9:22

Jare tëta guasu reta juvicha guasu reve jare tëta raɨ reta remee ipo reta pe, jare opa remboyao yao jókuae ɨvɨ chupe reta; jare oike reta yogüɨreko ɨvɨ Hesbón mburuvicha guasu Sehón iɨvɨ pe, jare ɨvɨ Basán mburuvicha guasu Og iɨvɨ pe.

SALMOS 136:19

Amorreo reta juvicha guasu Sehón oyuka vae, echa iporoparareko jekuae avei vae ko,

AMÓS 2:9

Che ko opa amboai peve amorreo reta, jae reta ko pukugüe tëi ɨ̈vɨrare rami, jare täta ɨvɨra encina rami; opaetei ko amboai.

NÚMEROS 21:13

Joko güi opa yogüɨraja oyembojeyupa ɨ̈aka Arnón jee vae jovaicho pe. Jókuae ɨ̈aka ou ñuu amorreo reta iɨvɨ kotɨ güi oë vae pe; echa jókuae ɨ̈aka Arnón ko oï omboyao vaerä Moab jare amorreo reta iɨvɨ.

DEUTERONOMIO 29:7

Jare kuae pe yayu ñaväe yave ñogüɨnoe oñeraro reta vaerä yande ndive Sehón, mburuvicha guasu Hesbón pegua, jare Og, mburuvicha guasu Basán pegua, ërei opa ñamoamɨri,

DEUTERONOMIO 3:16

Rubén jare Gad iñemuña reta pe amee Galaad güive ɨ̈aka Arnón kotɨ, güɨnoi iɨvɨ jembeɨ ɨvɨtɨ päu mbɨte pe, ojo regua oya ɨ̈aka Jaboc re, jae ko jókuae Amón iñemuña reta iɨvɨ jembeɨ.

DEUTERONOMIO 31:4

YandeYa oyapota kuae reta pe Sehón jare Og oyapo rami, kuae amorreo reta juvicha guasu reta opa iɨvɨ ndive omboai rami.

DEUTERONOMIO 4:46

Jordán güi kuaraɨ oëa kotɨ ñogüɨnoi ñuu Bet-peor pe yave, Sehón iɨvɨ pe, Sehón ko jae amorreo reta juvicha guasu Hesbón pe oikose vae, jae ko Moisés jare Israel iñemuña reta omoamɨri Egipto güi ñogüɨnoe yave vae.

JOSUÉ 13:12

jare opaete Og iporookuaía Basán pe, kuae oiko mburuvicha guasurä Astarot pe jare Edrei pe, jae ko refaita reta güi jembɨregüe, kuae reta Moisés opa omoamɨri jare omombo iɨvɨ güi.

JOSUÉ 24:8

jare che pogüeru amorreo reta iɨvɨ pe, ɨ̈aka Jordán güi kuaraɨ oëa kotɨ. Jae reta oñeraro pe ndive, ërei che amee pepo pe, che amokañɨtei perenonde jare peyemombae jókuae ɨvɨ re.

JOSUÉ 9:10

jare opaete oyapo jókuae mókoi mburuvicha guasu reta pe vae, amorreo reta juvicha guasu yogüɨreko ɨ̈aka Jordán jovaicho kotɨ vae pe: Sehón mburuvicha guasu Hesbón pegua pe jare Og mburuvicha guasu Basán pegua pe, Astarot pe oikose vae.

JUECES 10:11

Jare yandeYa jei Israel iñemuña reta pe: “Pe reta peiporara yae peikose Egiptoɨgua reta ipo pe, amorreo reta ipo pe, Amón iñemuña reta ipo pe, filisteo reta ipo pe,

JUECES 11:13

Jare Amón iñemuña reta juvicha guasu jei ñee jerajaa reta pe: “Pe, Israel iñemuña reta Egipto güi peë yave, pepɨ̈ro oregüi oreɨvɨ, ɨ̈aka Arnón güive ɨ̈aka Jaboc pe jare Jordán. Jáeramo añave pemee ye cheve ikavi rupi.”

JUECES 21:8

¿Oime pa kia nunga Israel iñemuña pegua mbaetɨ ojo yandeYa jóvai Mizpa pe yandeatɨ yave vae?” Jayave imaendúa reta Jabes-galaad pegua reta mbaetɨ metei ave yogüɨraja yemboatɨa pe vae re,