NÚMEROS 20:21 - Biblia Guarani Tumpa Iñee

²¹ Edom iñemuña reta mbaetɨ omaeño oasa vaerä iɨvɨ rupi Israel iñemuña reta. Jare Israel iñemuña reta opia chugüi ïkotɨa rupi.

NÚMEROS 20:21 ပူးပေါင်းရင်းမြစ်များ

2 CRÓNICAS 20:10

Añave, Amón jare Moab iñemuña reta jare ɨvɨtɨ Seir pegua reta, kuae reta iɨvɨ rupi mbaetɨ remaeño oasa Israel iñemuña reta yogüeru yave Egipto güi, oasa retaño ïkotɨa rupi chugüi reta jare mbaetɨ omboai reta.

NÚMEROS 21:23

Ërei Sehón mbaetɨ omaeño oasa iɨvɨ rupi Israel iñemuña reta, ërei ngatu omboatɨ opaete isundaro jare oë chupe ñuu pe, Jahaza pe oñoraro jae reta ndive.

NÚMEROS 21:4

Jare jaɨkue rupi opa yogüɨraja ɨvɨtɨ Hor güi, tape Ɨguasu Pɨ̈ta vae kotɨ ojo vae rupi, oyere reta vaerä ɨvɨ Edom re; jare opa oyemboakɨ reta tape rupi.

DEUTERONOMIO 2:27

‘Aasata ndeɨvɨ rupi apiambae reve tape güi cheakatu kotɨ ani cheasu kotɨ yepe.

DEUTERONOMIO 2:29

Esaú iñemuña reta Seir pe yogüɨreko vae omaeño aasa rami, jaeramiño vi Moab iñemuña reta Ar pe yogüɨreko vae rami, aasa regua ɨ̈aka Jordán oreYa Tumpa ɨvɨ omee orevea pe.’

DEUTERONOMIO 23:7

Ërei ngatu agüɨye peröɨro Edom iñemuña reta; echa perëtara reta ko; jare Egiptoɨgua reta, echa peikose iɨvɨ pe;

JUECES 11:17

Jayave Israel iñemuña reta omondo ñee jerajaa reta Edom pegua mburuvicha guasu pe oiporu vaerä Israel iñemuña reta oasa iɨvɨ rupi, ërei jae mbaetɨ oipota, jökoraiño vi mburuvicha guasu Moab pegua pe oiporu tëi, ërei mbaetɨ vi oipota. Jáeramo opɨta reta Cades pe.

JUECES 11:18

Jaɨkue rupi yogüɨraja reta ñuu rupi, opa oyere Edom iɨvɨ re jare Moab re, yogüɨraja regua oväe Moab güi kuaraɨ oëa kotɨ, jare joko pe oyembojeyupa reta ɨ̈aka Arnón jovaicho pe. Ërei mbaetɨ oasa reta, echa joko güi oyemboɨpɨ Moab iɨvɨ.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.