NÚMEROS 20:16 - Biblia Guarani Tumpa Iñee

¹⁶ Jare rosapúkai yandeYa pe, jare jae oendu oreyerure, ombou metei araɨgua orerenoe Egipto güi. Añave, ko ma roï Cades pe, tëta köi oï ndeɨvɨ jembeɨ güi vae pe.

NÚMEROS 20:16 ပူးပေါင်းရင်းမြစ်များ

ÉXODO 14:10

Jare Faraón köi ma ou chugüi reta yave, Israel iñemuña reta omopüa iñäka, jare oecha Egiptoɨgua reta yogüeru jaɨkue yave okɨɨye yae ete reta, jare jäse reve oyerure reta yandeYa pe.

ÉXODO 14:19

Jare Tumpa iaraɨgua ojo oiko Israel iñemuña reta jenonde vae, osɨrɨ, jare ou oñeñono jae reta jaɨkue kotɨ; jaeramiño vi amapɨtu metei jɨsɨ ojo oiko jae reta jenonde vae osɨrɨ vi, jare ou oñeñono jae reta ikupe kotɨ,

ÉXODO 23:20

Mase, ko che amondo chearaɨgua, peangareko vaerä tape rupi, jare pereroike vaerä ɨvɨ amokätɨro pevea pe.

ÉXODO 33:2

Che amondota nderenonde araɨgua, jare amoëta amombo jókuae iɨvɨ güi cananeo reta, amorreo reta, heteo reta, ferezeo reta, heveo reta jare jebuseo reta.

ÉXODO 6:5

Jökoraiño vi, aendu Israel iñemuña reta jäse vae, Egiptoɨgua reta omombaravɨkɨ vae reta, jare chemaendúa cheporogüɨrökuavee päve re.

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

NÚMEROS 20:15

Oreñemuñagüe reta yogüɨraja Egipto pe, jare ɨma roiko joko pe, ërei Egiptoɨgua reta oiporarauka oreve, oreñemuñagüe reta pe rami.

NÚMEROS 21:22

“Roipota roasa ndeɨvɨ rupi. Mbaetɨta roasa temitɨ oimea rupi, ani uvarupa reta rupi; ndeɨ ave mbaetɨta rou ɨkua güi; tape guasu rupiño roasata, opa regua roasa ndeɨvɨ.”

NÚMEROS 33:37

Cades güi ñogüɨnoe jare opa yogüɨraja oyembojeyupa ɨvɨtɨ Hor re, ɨvɨ Edom jembeɨ pe.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.

JOSUÉ 15:1

Judá iñemuña reta omboresive ɨvɨ suerte rupi, jëtara ñavo rupi vae, ojo oväe Edom jembeɨ pe, jare arayevɨ kotɨ güɨnoi jembeɨrä ñuu Zin,