NÚMEROS 20:14 - Biblia Guarani Tumpa Iñee

¹⁴ Moisés omondo ɨvɨ Cades güi, jekovia pe kuimbae reta imiari vaerä Edom iñemuña reta juvicha guasu ndive, jei reve: “Körai jei nerëtara Israel iñemuña reta: ‘Nde reikuaa jeta mbaembae ou oreve vae.

NÚMEROS 20:14 ပူးပေါင်းရင်းမြစ်များ

GÉNESIS 25:23

Jare yandeYa jei chupe: “Mókoi tëtaguasu retarä vae oime renoi nderɨe pe; mókoi tëta oyomboyaota nderɨe güi voi vae; metei tëta imbaepuere yaeta ïru tëta güi. Tenondegua oyeokuaita taɨkuegua pe.”

GÉNESIS 25:25

Tenondegua oa vae ipireyu jare jaa yae, jare ombojee reta Esaú.

GÉNESIS 25:26

Jaɨkue rupi oa tɨvɨ, oyepɨɨ reve tɨkeɨ Esaú ipɨta re; jare ombojee reta Jacob. Isaac sesenta año ma güɨnoi yave oa jembireko imembɨ.

GÉNESIS 32:29

Jayave Jacob oparandu chupe, jei: —Añave nde emombeu cheve nderee. Jare jókuae kuimbae jei: —¿Maera pa reparandu cheve cheree re? Jare iporerekua jese joko pe.

ÉXODO 18:8

Joko pe Moisés imiari jovaya pe yandeYa oyapo opaete mbaembae Faraón pe jare Egiptoɨgua reta pe vae re, Israel iñemuña reta oaɨu jeko pegua, jare opaete mbaemboavai oasa jae reta ndive tape rupi vae re, kërai yandeYa güɨroasayepe vae re.

AMÓS 1:11

YandeYa jei körai: “Edom iñemuña reta iyoa yae jeko pegua, mbaetɨta cheɨ̈ro chupe reta; echa kɨsepuku pe omoña reta jëtara Israel iñemuña reta, ombosɨrɨ reta iyeugüi mboroparareko; iyarasɨ katu avei ikotɨ jare omotareɨ katu avei jeko pegua.

MALAQUÍAS 1:2

YandeYa jei: “Che poaɨu ko.” Ërei pere: “¿Kërai pa oreraɨu?” YandeYa jei ye: “¿Esaú jaeä pa Jacob tɨkeɨ? Aɨu Jacob

NÚMEROS 13:26

Yogüeru reta ye Moisés jare Aarón jare opaete Israel iñemuña reta yatɨ ñogüɨnoia pe, Cades pe, ñuu Parán pe, jare imiari reta chupe jare opaete yatɨ vae reta pe iguata re, jare oechauka chupe reta mbaagüɨye güerugüe.

NÚMEROS 20:15

Oreñemuñagüe reta yogüɨraja Egipto pe, jare ɨma roiko joko pe, ërei Egiptoɨgua reta oiporarauka oreve, oreñemuñagüe reta pe rami.

NÚMEROS 20:22

Israel iñemuña reta opa yogüɨraja Cades güi, jare opa yogüɨraja oväe ɨvɨtɨ Hor pe.

DEUTERONOMIO 23:7

Ërei ngatu agüɨye peröɨro Edom iñemuña reta; echa perëtara reta ko; jare Egiptoɨgua reta, echa peikose iɨvɨ pe;

JOSUÉ 2:10

Echa roendu kërai peYa opa omondɨpa Ɨguasu Pɨ̈ta vae peasa vaerä Egipto güi peë yave; jare kërai opa pemokañɨtei, jókuae mókoi mburuvicha guasu reta, Sehón jare Og, amorreo reta juvicha guasu, ɨ̈aka Jordán jovaicho kotɨ ñogüɨnoi vae reta.

JOSUÉ 2:9

—Aikuaa peYa ko omee peve kuae ɨvɨ; echa opaete ore rokɨɨye yae pegüi. Opaete kuae tëta guasu pegua reta okɨɨye yae ko ñogüɨnoi pereko pegua.

JOSUÉ 9:10

jare opaete oyapo jókuae mókoi mburuvicha guasu reta pe vae, amorreo reta juvicha guasu yogüɨreko ɨ̈aka Jordán jovaicho kotɨ vae pe: Sehón mburuvicha guasu Hesbón pegua pe jare Og mburuvicha guasu Basán pegua pe, Astarot pe oikose vae.

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,