NÚMEROS 20:11 - Biblia Guarani Tumpa Iñee

¹¹ Jayave Moisés oupi ipo, jare oiporu ipopoka ɨ̈vavira re mókoi ye rupi, jare oë jeta ɨ, jare opaete vae oɨu jare jɨmba reta.

NÚMEROS 20:11 ပူးပေါင်းရင်းမြစ်များ

1 CRÓNICAS 15:13

echa tenonde yave mbaetɨ jökorai peyapo ramo yandeYa Tumpa güeru mano amogüe re, echa mbaetɨ yaparandu chupe këraita ko oyeapo vae re.”

1 CRÓNICAS 15:2

Jayave jae jei: “Levita reta güi mbaetɨ yé kia güɨrajata Tumpa ikäjou, echa yandeYa oiparavo jae reta güɨraja vaerä yandeYa ikäjou jare oyeokuai avei vaerä chupe.”

SALMOS 105:41

Oipea ɨ̈vavira, jare oë ɨ, oguata ɨ ɨ̈aka rupi rami ñuu rupi.

SALMOS 114:8

¡Jae ko oipoepɨ ɨ̈vavira ɨrɨrurä! ¡Jae ko oipoepɨ ɨ̈vavira ɨesaɨ jendarä!

SALMOS 74:15

Reipea ɨesaɨ jare ɨ̈aka, rembondɨpa ɨ̈aka tɨpambae yepi vae.

SALMOS 78:15

Ñuu pe oyoka ɨ̈vavira, omoë jeta ɨ jare jou reta oatambae reve.

SALMOS 78:16

¡Tumpa omoë ɨ ɨ̈vavira güi, oguata ɨ, ɨ̈aka pe ɨ oguata rami!

SALMOS 78:20

Jae oyoka ɨ̈vavira, jare oë ɨ jeta rupi, oguata jeta ɨ; ërei, ¿ipuereta ra omee vi mbɨyape? ¿Omeeta vi ra soo imbae vae reta pe?”

ÉXODO 17:6

Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta. Jare Moisés jökorai oyapo, Israel iñemuña itenondegua reta jovake,

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 48:21

Yepe güɨraja tëi ñuu rupi, ërei mbaetɨ oiporara reta iɨuve; oyoka ɨ̈vavira, jare omoë jeta ɨ chupe reta.

OSEAS 13:5

Che ayangareko peré ñuu rupi, ɨmbaea rupi.

LEVÍTICO 10:1

Nadab jare Abiú, Aarón taɨ reta metei ñavo oipɨɨ ikäti kavi vae incienso oyeapɨ pɨpe vae, jare oñono reta pɨpe tätapɨi jare ikäti kavi vae incienso, jökorai güɨroike reta yandeYa jóvai tata ambuae vae, jae mbaetɨ oyókuai reta jese vae.

NÚMEROS 20:8

—Eipɨɨ ndepopoka jare emboatɨ opaete vae, nde jare nderɨkeɨ Aarón, javoi emomiari ɨ̈vavira jae reta jovake; jare oëta ɨ chugüi, jökorai renoeta ɨ ɨ̈vavira güi chupe reta, jare emee tou reta ɨ opaete vae jare jɨmba reta.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

1 Corintios 10:4

Jare opaete vae oɨu Espíritu pegua. Jare oɨu reta jókuae ita guasu Espíritu pegua jupíe reta oiko vae güi. Jare jókuae ita guasu jae ko Cristo ko.

DEUTERONOMIO 8:15

pereroata ñuu tuichagüe rupi, kɨɨyea jare jeta mboi imbayachi vae rupi, tumɨkarape jare ɨuve rupi, ɨ mbaetɨa pe jae omoë peve ɨ̈vavira güi;

Santiago 1:20

echa iyarasɨ vae ngaraa oyapo jupi vae Tumpa omboyerovia vae.

JUECES 15:19

Jayave Tumpa oipea ɨvɨkua Lehi pe oï vae; jare oë ɨ joko güi, Sansón jou jókuae ɨ, jare oyandu ipɨ̈rata ye. Jáeramo jókuae ɨesaɨ oï añave Lehi pe vae ombojee En-hacore.

1 SAMUEL 15:19

¿Maera pa reenduä yandeYa iñee? Nderovaicho reta imbaembae re reyemombae, reyapo ikavimbae yandeYa jesa róvai.

1 SAMUEL 15:24

Jayave Saúl jei Samuel pe: —Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,